“I Par e Girdi’ nu Fayleng ni Taab Thin e Yad Ma Yog”

11:1-4, 6-9

Ke athukuy Jehovah e thin rok e girdi’ nu Babel kakrom ndar yul’yul’gad ngak. Bochan e re n’ey, ma aram fan ni kar wergad u gubin yang u fayleng. Machane ngiyal’ ney e be kunuy Jehovah girdien ba ulung nib ga’ ni kar bad u gubin e nam nge gubin e thin, ma be fil ngorad fare “thin nib machalbog,” ya nge yag ni ngar pininged fithingan mar “pigpiggad ngak u taabang.” (Zef 3:9, NW; Re 7:9) Re “thin nib machalbog” ney e aram e tin riyul’ ni murung’agen Jehovah nge n’en nib m’agan’ ngay nrogon nib puluw ko Bible.

Ra ngam fil reb e thin nib beech ma gathi kemus ni ngam fil yu bugithin nib beech nge mit ngom. Ya kub t’uf ni ngam fil rogon ni nge puluw e lem rom nga rogon ni ma lem e girdi’ ko re binaw nem. Re n’ey e taareb rogon ni faanra ngad filed fare thin nib machalbog ni aram e tin riyul’. Kub t’uf ni ngad puluwnaged rogon e lem rodad ko tin riyul’. (Ro 12:2) Ma aram ban’en nib t’uf ni ngad ululgad i rin’ ni gubin ngiyal’. Angin nra yib riy e rayog ni ngad mon’ognaged e taareban’ u thilin e girdi’ rok Got.​—1Ko 1:10.