BOCH E THIN NIB GA’ FAN KO THIN ROK GOT | EXODUS 35-36

Ra Ayuwegem Jehovah ni Ngam Rin’ e Maruwel Rok

35:25, 26, 30-35; 36:1, 2

I ayuweg gelngin Jehovah nib thothup Bezalel nge Oholiab ni ngar folgow u rogon ni ngan ngongliy boch ban’en ni fan ko fare tabernacle (Mu guy e sasing ni bay u wuru’.) Ku rayog ni nge pi’ Jehovah gelngin nib thothup ngak e pi tapigpig rok e ngiyal’ ney. Uw rogon nrayog ni nge ayuwegdad?

Thingar da yibilayed gelngin Got nib thothup ni nge ayuwegdad ni ngad mon’ognaged e salap rodad ni fan ko pigpig ni gad be tay ngak Jehovah
Thingar da fal’eged i fil e Thin rok Got
Thingar da rin’ed e maruwel ni kan pi’ ngodad u rogon nrayog rodad

Bogi sasing ni bay u taabang: Pi Mich Rok Jehovah ni yad be rin’ boch e maruwel nib thilthil ni fan ko liyor rorad. 1. Pi walag nib pin e yad be pi’ e ayuw nga boch e maruwel ni yibe rin’ ni bay rogon ko dimow naun. 2. Reb e walag ni pumoon e be fal’eg rogon ni fan ko Fol ‘Wulyang ko Damit’ ni yira tay ni ir e ra yarmiy. 3. Reb e walag ni pumoon e be machibnag be’ ni ma maruwel u kantin, ma bay yugu reb e walag ni yow be machib u taabang ni be yaliy e piin yad ra yib ni ngar togopuluwgad ngorow. 4. Ba wu’ i mabgol ni kar unew ko fare skul ni ka nog e School for Kingdom Evangelizers ngay.

Mang maruwel e rayog ni nge ayuwegem Jehovah ni ngam rin’?