Gubin e Magawon Nra Chuw

Ba mom ni nge mulan’dad ni bochan e magawon rodad, nib ga’ ni faanra ke n’uw nap’an ma der chuw. Manang David nra munmun me chuw e magawon ni bay u thilrow Saul ni Pilung me mang pilung ni bod rogon ni ke micheg Jehovah. (1Sa 16:13) Bochan e michan’ rok ma aram e n’en ni ayuweg ni nge gum’an’nag ir nge sonnag Jehovah.

Nap’an ni gad ra mada’nag e magawon, ma rayog ni ngad fanayed e gonop ara tamilangan’ rodad, ara rogon ni gad ma lemnag ban’en ni ngad pithiged e magawon rodad. (1Sa 21:12-14; Pr 1:4) Machane bay boch e magawon nder ma chuw ni yugu aram rogon ni kad rin’ed urngin ban’en nrayog rodad ni ngad pithiged nrogon nib puluw ko pi kenggin e motochiyel u Bible. Nap’an nra buch e re n’ey, ma thingar da gum’an’naged gadad ngad sonnaged Jehovah. Dabki n’uw nap’an ma bayi chuweg urngin e gafgow rodad me “n’ag urngin e lu’” u owchedad. (Re 21:4) Ere demtrug ko ra chuw e magawon rodad ni bochan e ke rin’ Jehovah ban’en ngay ara bochan yugu ban’en, ma baaray ban’en nrayog ni nge pagan’dad ngay: Gubin e magawon nra chuw. Re n’ey e rayog ni nge fal’eg lanin’dad.

NGAN YALIY FARE VIDEO NI A UNITED PEOPLE IN A DIVIDED WORLD, NGEMU’ MIN PI’ E FULWEG KO PI DEER NEY:

• Mang boch e magawon ni mada’nag boch e Kristiano ko yimuch u Meriken?

• Uw rogon ni kar daged e gum’an’ nge t’ufeg?

• Uw rogon nra ululgad ni ngar tedan’rad ko “tin ir e th’abi ga’ fan”?​—Fil 1:10, NW