TIN MA RIN’ E PIIN KRISTIANO
Ma Ayuwegdad Jehovah ni Ngad Athamgilgad u Fithik’ e Magawon Rodad
Boor e magawon ni gad ma mada’nag e ngiyal’ ney ko tin tomuren e rran. Yu ngiyal’ e rayog ni ngad lemnaged ni kaygi mo’maw’ e pi magawon ney ndabkiyog ni ngad athamgilgad u fithik’. Machane faan gad ra ulul ni ngad chugurgad ngak Jehovah, ma aram e ra ayuwegdad ni ngad athamgilgad u fithik’ e pi magawon ney ni kab muun ngay e tin be k’aring e mochuch ngodad. (Isa 43:2, 4) Uw rogon nrayog ni ngad chugurgad ngak Jehovah u nap’an ni gad be mada’nag e magawon?
Meybil. Nap’an ni gad ra weliy urngin ban’en ni bay u lanin’dad ngak Jehovah, ma ra gapaseg lanin’dad me pi’ gelngidad ni ngad athamgilgad.—Fil 4:6, 7; 1Th 5:17.
Muulung. Ireray e ngiyal’ nib t’uf e ggan rodad ni fan ko tirok Got ban’en nge pi walag nrayog ni ngaud chaggad ngorad u nap’an e muulung. (Heb 10:24, 25) Nap’an ni gad ra fal’eg rogodad ni fan ko muulung, ma gad un ngay, mu kud uned ko n’en yibe rin’ riy, ma aram e rayog ni ngari yib angin e ayuw rok Jehovah ngodad u daken gelngin.—Re 2:29.
Machib. Ra mom ngodad ni ngaud sapgad nga fel’ngin boch ban’en ni faanra gad ma rin’ urngin ban’en nrayog rodad ya nge yag nda yoornaged e tayim rodad ni fan ko machib. Ku rayog ni nge chugur e tha’ u thildad Jehovah nge pi walag ni gad ma machib u taabang.—1Ko 3:5-10.
NGAN YALIY FARE VIDEO NI JEHOVAH WILL TAKE YOU IN, NGEMU’ MIN PI’ E FULWEG KO PI DEER NEY:
Mang e ayuweg Malu ni nge par nib chugur ngak Jehovah u nap’an ni be mada’nag boch e magawon?
Uw rogon nrayog ni nge fal’eg fapi thin ni bay ko Psalm 34:18 lanin’dad u nap’an ni gad ra mada’nag e magawon ni bod e n’en ni buch rok Malu?
Uw rogon ni ke m’ug ko n’en ni buch rok Malu ni ma pi’ Jehovah gelngin “ni ir e ba th’abi gel” ngodad u nap’an ni gad ra mada’nag e magawon?—2Ko 4:7