TIN MA RIN’ E PIIN KRISTIANO
Mu Fanay fare Babyor ni Mu Par Ndariy N’umngin Nap’an ni Gab Felfelan’! ni Ngam Ayuweg e Girdi’ ni Nge Mich Jehovah nge Jesus u Wan’rad
Piin yad be fil e Bible e ra ngar fel’gad u wan’ Got, ma thingar ra gelnaged e michan’ rorad. (Heb 11:6) Rayog ni ngad fanayed fare ke babyor ni Mu Par Ndariy N’umngin Nap’an ni Gab Felfelan’! ni ngad ayuweged yad ni ngar rin’ed e re n’ey. Bay boch e thin nu Bible ko re ke babyor ney nib ga’ fan, nge boch ban’en ni kan tamilangnag nib mom ni ngan nang fan, nge boch e deer nra yib angin, nge boch e video nra pi’ e athamgil nga lanin’uy, nge boch e sasing nib fel’ yaan. Gad ra ayuweg e piin gad be fil e Bible ngorad ni ngar maruweliyed fel’ngin e piin Kristiano me fel’ e tha’ u thilrad Got, ma aram e bod ni gad be toy ba naun ni gad be fanay boch ban’en ndabi yik’.—1Ko 3:12-15.
Bay boch e girdi’ nib mo’maw’ ni ngar lemnaged nrayog ni ngar manged fager rok Got ni be’ ndabiyog ni ngar guyed. Ere ba t’uf ni ngad ayuweged yad ni ngar nanged Jehovah me pagan’rad ngak.
NGAN YALIY FARE VIDEO NI BUILD FAITH IN JEHOVAH, USING “ENJOY LIFE FOREVER!” NGEMU’ MIN PI’ E FULWEG KO PI DEER NEY:
Uw rogon ni kad nanged ni fare walag nib pin e ba fel’ rogon ni ke fal’eg rogon ni fan ko fare fol Bible?
Uw rogon ni fanay in e deer ni ke mel’eg nib fel’ rogon ni nge ayuweg faen yow be fil e Bible ni nge weliy rogon laniyan’ ko fare thin ni bay ko Isaiah 41:10, 13?
Mang angin fare video nge fapi thin nu Bible ni yib ngak faen be fil e Bible?
Boor e girdi’ ndawori tamilang fare biyul u wan’rad ara darur lemnaged ni aram e tow’ath rok Got ngorad. (Ga 2:20) Ere thingar da ayuweged yad ni ngari mich u wan’rad fare biyul ni maligach ni pi’ Jesus.
NGAN YALIY FARE VIDEO NI BUILD FAITH IN JESUS, USING “ENJOY LIFE FOREVER!” NGEMU’ MIN PI’ E FULWEG KO PI DEER NEY:
Uw rogon ni kad nanged ni fare walag ni pumoon e ba fel’ rogon ni ke fal’eg rogon ni fan ko fare fol Bible?
Uw rogon ni fanay e n’en bay ko fare thin ni “Mu Gay Murung’agen” ni nge ayuweg faen yow be fil e Bible?
Mang nib ga’ fan ni ngan yibilay faen be fil e Bible?