U Lan E Re Ke Babyor Ney
WIK KO AUGUST 28, 2017–SEPTEMBER 3, 2017
3 Ngan Nameg e Bin Riyul’ e Flaab
Re article ney e be weliy rogon nrayog ni ngad fanayed e pi flaab ni bay rodad ni ngad “yognaged boch e fager” ngodad u tharmiy. (Luke 16:9, NW) Ku be weliy rogon ni ngad buchuuwnaged e tayim rodad ni fan ko pi n’en ni yima rin’ u roy u fayleng ni bay rogon ko siyobay nge salpiy, nge rogon ni ngad pied e tin th’abi fel’ rodad ngak Jehovah.
WIK KO SEPTEMBER 4-10, 2017
9 ‘Mu Uned Ko Meyor ngak e Piin ni Yad Be Yor’
Uw rogon nrayog ni nge fel’ laniyan’ reb e Kristiano miki yag ni nge athamgil u nap’an ni ke yim’ be’ nib t’uf rok? Ma fal’eg Jehovah lanin’dad u daken Jesus Kristus, nge Bible, nge ulung ni Kristiano. Re article ney e be weliy rogon nrayog ni nge fel’ lanin’dad nge rogon ni ngad fal’eged laniyan’ e piin ni ke kireban’rad.
WIK KO SEPTEMBER 11-17, 2017
15 “Ngan N’uf Jah!”—Mang Fan?
Boor yay ni be pi’ e Psalm 147 e athamgil nga laniyan’ e girdi’ rok Jehovah ni ngar pininged e sorok ngak. Mang boch ban’en u murung’agen Jehovah ni ngat fare psalmist ngay me k’aring ni nge pining e sorok ngak? Re article ney e be pi’ e fulweg ko re deer ney, maku be tamilangnag fan ni ngad pininged e sorok ngak e Got rodad.
WIK KO SEPTEMBER 18-24, 2017
21 “Mang e Yigi . . . Tay Gubin e Tin Kam Tanomnag Nga Tagil’”
Boor e walag ni kab fel’ yangarrad ni yad be pigpig ngak Got u polo’ e tayim rorad ni yad ba pasig. Ga baadag ni ngam un i rin’ e re maruwel ney, fa? Re article ney e bay boch e fonow u Bible riy nra ayuwegem ni ngam nameg boch ban’en ni ngam rin’ boch nga m’on nra yibnag e felfelan’ ngom.