Tang 100 (222)

Ngu Um Yuluy Owchem!

(2 Korinth 4:⁠18)

1. Ra guy e piin malmit biyay,

Piin biling e ra rung’ag ban’en,

Ra puf e pi floras u ted,

Ra yong’ol e but’ nib milik’,

Mugutgut e yad ra og nga lang,

Piin nib t’uf rodad e yad ra par

Rayog ni ngam guy e pi n’en ney

Faan ga ra yuluy owchem ngay.

2. Ra non e piin ni yad maay,

Llabthir e ra pagal biyay,

Ra yoor e woldug ni be k’uf

Ma dabi m’ay e tin nib fel’,

Bitir e yad ra yin’ e tang,

Ra wer e gapas nge falfalan’,

Ma fas ko yam’ e ga ra guy

Faan ga ra yuluy owchem ngay.

3. Ra gak e wolf nge fak e saf,

Ma ra mongmur e pi gamanman,

Ra pow’iyrad bochi pagal,

Ma yad ra lek ni yad gubin.

Ra m’ay e myor nge tin kireb,

Ra chuw e marus nge amith,

Ga ra guy e pi n’ey nra pi’ Got

Faan ga ra yuluy owchem ngay.