Mini’ Jesus?

I l’og Jehovah Jesus nga fayleng. 1 John 4:9

Faanra gad baadag ni ngad fel’gad u wan’ Jehovah, ma bay be’ ni kub ga’ fan ni ngad motoyilgad ngak. U m’on ni sunmiy Jehovah Adam, me sunmiy reb e engel u tharmiy nib gel gelngin.

Munmun me ngal’uweg e yafas rok nga yin be’ nib pin ndawori nang e pumoon ni Maria fithingan, min gargeleg u Bethlehem min tunguy Jesus ngak.​—John 6:38.

Nap’an ni immoy Jesus u fayleng nib girdi’ ma i m’ug fel’ngin Got rok. Rib gol, ma ma t’ufegey, mab mom ni ngan non ngak. I machibnag murung’agen Jehovah ko girdi’ nda i rus.

I rin’ Jesus e tin nib fel’, machane un fanenikay. 1 Peter 2:21-24

Pi tayugang’ ko teliw kakrom e ur fanenikayed Jesus ni bochan e i tamilangnag e machib rorad nde riyul’ nge ngongol rorad nib kireb.

Ki i golnag Jesus e m’ar ma be faseg e yam’.

I yog e pi tayugang’ ko teliw nu Roma ko girdi’ ni ngan kol Jesus ngan li’ nge yim’.