Fare Kiy u Reb e Fayleng nib Falfalan’

“CHA’ ni ir e th’abi gel gelngin ni be’​—ni gathi kemus ni goo lan e gal biyu’ i duw ney ya n’umngin nap’an chepin e girdi’—​e Jesus nu Nazareth,” aray rogon ni yog e Time magazine. Nap’an ni immoy Jesus u fayleng, ma bokum biyu’ e girdi’ nib yul’yul’ gum’ircharad ni ra nanged, ni gathi kemus nib gilbuguwan, ya ku e ri tay rogon ni ma lemnag boch e girdi’. Erfan, ni dabni gin ngay ni ra lemnaged ni nge mang pilung. (John 6:10, 14, 15) Machane, bod ni kan nog ko bin som’mon e article, ni Jesus e siyeg ni nge un ko politics.

MA fulweg rok Jesus e ba mil fan nga daken bogi ban’en ni lich ni fen dalip ni aram e: rogon ni be sap e Chitamangin ngak e girdi’ u rogon ni yad baadag ni ngar turguyed ban’en-​ni kub muun ngay e gagiyeg ko girdi’; nge naab rok Jesus ni ba’ boch gelngin nib gel, ni ba gelngin nib mith ni be maruwel nib togopuluw ni ku ma togopuluw ko bin th’abi fel’ e maruwel ko girdi’ ko gagiyeg; nge fan ni nge sunmiy Got reb e am u tharmiy ni nge gagiyegnag e fayleng ni polo’. Nap’an ni gadad ra fal’eg i lemnag e dalip i n’eney nib fel’ rogon, ma rayog ni ngad guyed ko mang fan ni gelngin e girdi’ ni ngar fal’eged e fayleng nge fel’ e de yog. Bay ku da guyed ko uw rogon ni rayog e re n’eney.

Rayog ko Girdi’ ni Ngara Gagiyegnaged Yad?

Nap’an ni sunmiy Got e girdi’, me pi’ mat’awrad ni yad e ngar suweyed e gamanman. (Genesis 1:26) Ma girdi’ e nge par u tan gelngin Got. Bin som’mon e pumoon nge ppin e ngar michegew ni yow ra yul’yul’ ku Got ni aram e ngar folgow ni ngar parew u orel u waamngin taab ke gek’iy, ni “fare gek’iy ko tamilangan’ ko tin nib fel’ nge tin nib kireb.” (Genesis 2:17) Ma bay e kireban’ riy, ya Adam nge Efa e ra kirebnagew i fanay e ngongol ni puf rogon ma aram mar togopuluwgow ku Got. Faanra fekew fare waamngin e gek’iy ni kan ta’ chilen ni dabni ka’ e gathi kaygi mus ni kar mororo’gow. Ya kar sunmiyew e togopuluw nga mat’awon’ Got ko gagiyeg nge feni tolang.

Bochan ni rib ga’ fare magawon ni ke l’ag ngay, ma aram ma ke pag Got Adam nge Efa nge piin ni fakrow ni yad e ngara meleged rogon kanawoen e yafas rorad, ma ra fal’eged rogon e motochiyel rorad ko tin nib fel’ nge tin nib kireb. (Psalm 147:19, 20; Roma 2:14) Ma aram, me tabab e girdi’ i gay rogon ni nge be’-​mi i dugliy e tin nge rin’. Ere ke yan nib fel’ rogon? Nen ni ke buch u lan bokum biyu’ e duw ni kad guyed, e rayog ni nga dogned ndanga! Eklesiastes 8:9 (New World Translation) e be yog ni be gaar: “Girdi’ e ke gagiyegnag e girdi’ i yan ko magawon.” Chep e ke dag e mich riy ni girdi’ e dabi taw gelngin ni nge gagiyeg nib fel’ rogon ni demoy e Ani Sunmiy riy.

Aray bin l’agruw i fan ni de un Jesus ko politics.

Pilung ko Fayleng nib Mith

I Satan, e be yog fare Bible ngodad, ni ognag ku Jesus “urngin e gil’ilngun nu fayleng nge felngin” ni puluwon e taab liyor ni nge ta’ ngak. (Matthew 4:8-10) N’en nib ga fan riy, nni ognag e gagiyeg nu fayleng ngak Jesus​—e nge rin’ e n’en nib m’agan’ Moonyan’ ngay. Ma de m’ing Jesus ko biney e skeng. Machane rriyul’ nib skeng e re nem? Rayog ni nge ognag Satan ban’en ni aram feni ke pag rogon? Arrogon, ya Jesus ma ir rok e ma pining fare Moonyan’ ni “fare pilung ko fayleng,” me apostal Paul e weliy murung’agen ni ir “fare got ko biney e m’ag.”​—John 14:30; 2 Korinth 4:4; Efesus 6:12, NW.

Ba mudugil, nim nang Jesus ni fare Moonyan’ e der lemnag e tin nib fel ko girdi’. Ba gagiyal, ni ba fayleng ni “ba’ u tan gelngin” ba kan ni aram feni kireb e riyul’ ni dabiyog ni nge falfalan’.​—1 John 5:19.

Ba Am ni Ra Fek i Yib e Falfalan’

Ma bin dalip i fan ni de un Jesus ko politics e bochan nim nang ni bay ba ngiyal’ nga m’on ni ke m’ay i dugliy, ni bayi sunmiy Got reb e am u tharmiy ni nge gagiyegnag e fayleng. Fare Bible e ma yog e re am ney ni Gil’ilungun Got, me ir kenggin e pi n’en ni i fil Jesus. (Luke 4:43; Revelation 11:15) I fil Jesus ngak pi gachalpen ni nga uri yibiliyed e re Gil’ilungun nem ni nge yib, ya kemus nu tan e gagiyeg riy e rayog ni ngan rin’ e tin nib m’agan’ ‘Got ngay u roy u fayleng ni bod rogon u tharmiy.’ (Matthew 6:9, 10) Rayog ni ngam lemnag ni nge lungum, ‘Faanra nge gagiyeg e biney e am u gaangin yang e fayleng, me e re mang e ra buch ko tin ni fal’eg e girdi’-​e am?’

Fulweg riy e yira pirieg ko Daniel 2:44 (NW) ni gaar: “U nap’an e pi rran ko pi pilung nem [ni be gagiyeg u tomuren e re m’ag ney ni ba’ chiney] ma fare Got nu tharmiy e bayi dugliy reb e gagiyeg ni dabiyog i kirebnag. Ma re gagiyeg nem e dabi af i yan ngak yugu boch e girdi’. Ra gothey me taleg gubin e pi am ni be [fal’eg-​e girdi’], ma aram e ir rok e bayi sak’iy ni dariy numngin nap’an.” Mang fan ni Am rok Got e thingari “gothey” e pi am nu fayleng? Ya bochan ni aray e pi n’en ni be gel fen ngay ni ngan mon’ognag e lem-​ni togopuluw ku Got-​ni fare lem ni girdi’ e nga i turguy ban’en ni mon’ognag Satan faram u lan e milay’ nu Eden. Ni kub chagil ngay e maruwel nib togopuluw ko pi n’en nib fel’ ngak e girdi’, ni piin ni baaram ni yad be athamgiliy ni ngar mon’ogniged e re lem nem kar ted yad nga kanawoen ni ngar chafingad e eni Ta Sunmiy. (Psalm 2:6-12; Revelation 16:14, 16) Arfan, ni thingarda deeriyed gadad ko, ‘Gadad ra fol fa gadad ra togopuluw ko gagiyeg ku Got?’

Towaath Rok Girdien fare Gil’ilungun

Jesus e ma rin’ ban’en ko birok Got e kanawo’. Arfan, ni de rin’ ban’en ni ir e lemnag ni nge ayuweg fe mon’ognag e bin bay e m’ag e ngiyal’ nem u daken e politics, me maruwel nib gel ni nge mon’ognag felngin Gil’ilungun Got, ni kari mus e puf ko magawon u fayleng.

Bokum milyon e girdi’ e chiney e yad be rin’ ni bod ni rin’ Jesus ni yad be mon’eg Gil’ilungun Got ma nap’an ni yira rin’ e tin nib m’agan’ Got ngay maku yira falfalan’ ko towaath nib fel’​—ni aram mat’awuy ni ngan mang girdien Gil’ilungun Got u fayleng. (Matthew 6:33) U tan e motochiyel rok u fithik’ e t’ufeg, ma aram e bay ni flontnagrad, nib maun ngay fare athap ko yafas ni manemus.​—Revelation 21:3, 4.

Arrogon, gagiyeg ku Got e ir e bin riyul’ e kiy ko falfalan’ ni riyul’ u fayleng, ma aram fare thin ni yibe wereg e rib puluw ni kan nog e thin nib fel’ ngay. Faanra dawor mu rin’, me ere yay ni migid ni ra yib reb e Pi Mich Rok Jehovah nga tabinaw rom, ma mang ni dabmu pag nge weliy ngom e re thin nib fel’ ney?