Thin ni Ngan Weliy u Murung’agen e Pi Magazine

Fare Wulyan Ntagil’ E Damit November 2006

“Gamow baadag ni nggu nangew e lem rom u murung’agen ban’en ni i yog Jesus. [Mu bieg Matthew 5:5.] Faani riyul’, ma ga be lemnag ni par riy e taareb rogon ko ngiyal’ ney fa? [Mu pag ni nge pi’ e fulweg.] Re magazine ney e ra dag rogon nra yal’uweg Jesus e fayleng. Maku ra weliy ko mini’ e ra par u fayleng. Dariy puluwon e pi babyor romad ya yibe rin’ e re maruwel ney u daken e ayuw ni yima pi’ riy. Faanra ga ba adag ni ngam pi’ boch e ayuw, ma gamad ra felfelan’ ni ngan tay ni fan ko machib ni yibe tay u ga’ngin e fayleng.”

The Watchtower Nov. 15

“Kari yoor e kireb ni bay u fayleng, ere boch e girdi’ e yad ma lemnag, ‘Mang fan ni nggu athamgil ni nggu rin’ e tin nib mat’aw?’ Taab lanin’um fa? [Nga mu pag ni nge pi’ e fulweg.] Amu motoyil ko pi thin ney nra pi’ e athamgil nga lanin’um. [Mu bieg Proverbs 2:21, 22.] Re magazine ney e ra tamilangnag ko mang fan ni baga’ fan ni ngan rin’ e tin nib mat’aw.”

Awake! November

“Boch e girdi’ e yad be lemnag ni gubin ban’en ni ma buch e be mil fan ngak Got. Faanra yim’ be’, ma yad ra yog ni m’agan’ Got ngay ni nge fek faanem. Uw rogon u wan’um? [Nga mu pag ni nge pi’ e fulweg. Ma ga bieg James 1:13.] Re magazine ney e ra tamilangnag e thin nu Bible u murung’agen tapgin e gafgow ma ko mang e be rin’ Got ni nge chuweg.”