Thin ni Ngan Weliy u Murung’agen e Pi Magazine

The Watchtower Dec. 15

“Nap’an e ngiyal’ ko holiday, ma boor e girdi’ e yad ma dag e gol nge runguy. Uw rogon u wan’um, ra kab fel’ e fayleng nfaanra dag e girdi’ e runguy u gubin ngiyal’ fa? [Mu pag ni nge fulweg. Ma ga beeg 1 Peter 3:8.] Re magazine ney e ra tamilangnag ko uw fene ga’ fan e runguy ma ra weliy rogon nrayog ni ngad daged.”

Awake! December

“Boch e girdi’ e yad ma lemnag e yam’ e aram rogon ni ngan yan nga yugu reb e yafas; ma ke mich u wan’ boch e girdi’ ni aram bin tomur. Uw rogon u wan’um, yam’ e aram ban’en ni ngad tamdaggad ngay fa? [Mu pag ni nge fulweg.] Amu motoyil ko uw rogon e lem rok Job u murung’agen e yam’. [Mu beeg Job 14:14, 15.] Re magazine ney e ra tamilangnag ko mang e be yog e Bible u murung’agen e n’en ni ma buch ko ngiyal’ ni ngad m’ad.”

Fare Wulyang Ntagil’ E Damit December 2007

“Bin nrib t’uf rok e girdi’ e ngan t’ufegrad. Uw rogon u wan’um, ba ga’ fan ni ngad filed rogon e t’ufeg ngak e pi bitir rodad fa? [Mu pag ni nge fulweg. Ma ga beeg 1 Korinth 16:14.] Ke kireban’uy, ya ba ga’ ni der ma maruweliy e girdi’ e t’ufeg u lan e tabinaw rorad e ngiyal’ ney. Re magazine ney e ra tamilangnag ko mang e bin riyul’ e t’ufeg nge rogon ni nge dag e gallabthir e t’ufeg ko ngiyal’ ni ngar chuguliyew e bitir rorow. Kug unew ko maruwel ni yibe rin’ u fayleng iyan ma yima rin’ u daken e ayuw ni yima pi’. Faanra ga ba adag ni ngam pi’ boch e ayuw, ma ra falfalan’ug.”