“Um Rin’ed e Re N’ey Ngi i Pugurag Ngomed”
Ran Madenomnag e Yam’ ni Tay Jesus ko April 2
1. Mang fan ni baga’ fan e rofen ni April 2, 2007 e baga’ fan?
1 April 2, 2007 ma bokum milyon e girdi’ u ga’ngin e fayleng e ra muulung ni ngar madenomnaged e yam’ ni tay Jesus. I yim’ Jesus ni ir be’ ni ke tay tanggin e gagiyeg rok e Chitamangin ma ke micheg ni googsur e thin ni yog Satan ni Moonyan’ ya ke yog ni girdi’ e ma pigpig ku Got ni bochan e n’en nge yog ngorad. (Job 2:1-5) Fare Abich Rok Somol e ma puguran ngodad ni yim’ Jesus ni ir be’ ni dariy e denen rok, ma ke ‘pi e pogofan rok nge biyuliy boor e girdi’ ngay.’ (Matt. 20:28) Ere i tay Jesus chilen ngak pi gachalpen ni gaar: “Um rin’ed e re n’ey ngi i pugurag ngomed.” (Luke 22:19) Ga ma tay fan e re taw’ath ney ni pi’ Got ma ga be fl’eg rogon ni ngam un i madenomnag e n’en ni kan rin’ u fithik’ e t’ufeg?—John 3:16.
2. Uw rogon nrayog ni ngad fl’eged rogon gum’ercha’dad ni fan ko Puguran?
2 Ngam Fl’eg Rogon Gum’erchaem: Gad ra lemnag e n’en ni buch ko pi rran u m’on ni yim’ Jesus, ma rayog ni ngad fl’eged gum’ercha’dad ko re madenom ney ni Puguran. (Ezra 7:10) Bay e schedule ko Bible reading ko re n’ey ko fare babyor ni Examining the Scriptures—2007 nge fare 2007 Calendar. Re schedule ney e ba puluw ko pi n’en ni buch u nap’an e pi rran u m’on ni yim’ Jesus ma ba puluw ko calendar rodad. Pi rran nge date ni bay ko Bible e ba m’ag ko calendar ko Jew, ni reb e rran e ma tabab ko ngiyal’ ni aw e yal’ nge mada’ ko bin migid e ngiyal’ ni aw e yal’. Kan lemnag e re n’ey ma aram rogon ni bay ko Bible reading ko Puguran. Ngan sul nga daken e pi thin nem ma ngan fl’eg i lemnag u fithik’ e meybil ma ra ayuweg nge yib angin fare madenom ko Puguran ngodad.
3. Uw rogon nrayog ni ngad ayuweged e piin ni ba adag e machib nge piin ni kar talgad ko machib nge yib angin fare Puguran ngorad?
3 Ngan Pining e Girdi’ Ngar Uned Ngay: Fare insert ko February ko Machib Rodad Ni Fan Ko Gil’ilungun Got e be weliy ni ngan tay e campaign ni ngan pining e girdi’ ngar uned ko re madenom ney nib ga’ fan. Kam fl’eg rogon ni ngam un ko re campaign ney? Kam yoloy nga but’ e girdi’ ni ga ra pining ma kam tabab i piningrad? Ngam fl’eg rogom ni ngam mub ko Puguran nib papey boch ma rayog ni ngam pining e magar ko piin ni kar bad. Fel’ ni ngam par u taabang ko piin ni kam piningrad ma ngam pi’ e Bible nge babyor ko tang ngorad. Ngam ayuwegrad ngar mada’naged yugu boch e girdi’ ko ulung. Tomren fare muulung ma ngam pi’ e fulweg ko deer rorad. Ngam piningrad ngar uned ko special public talk ko April 15. Piin piilal ko ulung e ra guy rogon ni ngar pininged e piin ni kar talgad ko machib faram ngar uned ko Puguran nge fare special talk.
4. Uw rogon nrayog ni ngad ayuweged e girdi’ ngar ul’ul’gad i mon’og ko tirok Got ban’en u tomren fare Puguran?
4 Ngan Ayuweg e Piin ni Ba Adag e Machib nge Piin ni Kar Talgad ko Machib ni Ngar Mon’oggad Iyan: Fa en nra pi’ e welthin ko Puguran e ra weliy ko uw rogon e yaram ko Bible study ma yad ra pining e piin ni ba adag e machib ni ngar ul’ul’gad i fil u murung’agen Jehovah. Ngam weliy e n’en ni ke yog ko girdi’ ni kam pining ma ngam mog ni ngam ayuwegrad ko tirok Got ban’en. Faanra dawora filed e Bible ma ngam papay ngam guyrad u tomren fare Puguran ma ngam dag ko uw rogon ni ngan fol Bible. Maku ba t’uf ni ngar uned ko pi muulung ko ulung ni ngar mon’oggad ko tirok Got ban’en. (Heb. 10:24, 25) Ere ngam piningrad ngar uned ko pi muulung u gubin ngiyal’. Piin piilal e ra guy e pi Kristiano ni kar talgad ko machib ma kar uned ko Puguran ma yad ra tamilangnag e pi n’en ni kan weliy. Sana ra pi’ e athamgil nga lanin’rad ngar sulod ko ulung.
5. Mang angin nrayog ni nge yib ngodad ya kad uned ko Puguran?
5 Fare Puguran e ma k’aringdad ni ngad lemnaged e n’en ni rin’ Jehovah nge Jesus ni fan ngodad. Gad ra fl’eg i lemnag ma ra gel rogon ni yow ba t’uf rodad ma ra m’ug ko ngongol rodad. (2 Kor. 5:14, 15; 1 John 4:11) Ereray e ngiyal’ ni ngad tababgad i fl’eg rogodad ni ngad uned ko re madenom ney ni baga’ fan ma ngad pininged e girdi’ ngar uned i ‘weliy murung’agen e yam’ ni tay Somol.’—1 Kor. 11:26.