Special Assembly ko 2010
1. (a) Mang boch kenggin e special assembly ni ku un tay kafram? (b) Mang boch e welthin ni kan pi’ u boch e special assembly kafram ni ke ayuwegem u nap’an e machib?
1 “Ngam Mel’eged e Tin ni Ir e Ba Th’abi Fel’,” “Ngad Pired u Taabang ni Gad Ba Mmudugil,” “Nguum Par ni Ga Be Weliy Murung’agen e Tin Riyul’,” nge “Gadad Bod e But’ ni Yima Ngongliy e Th’ib Riy, Me Jehovah e Bod e En ni Ma Ngongliy e Th’ib.” (Fil. 1:9, 10; 1:27; John 18:37; Isa. 64:8) Ireray boch kenggin e welthin ni ku un weliy u boch e special assembly ni ke yan. Gab adag ni ngam un ko special assembly ko duw ni 2010, fa? Kenggin e re assembly nem e: “Daki Yoor e Tayim ni Ke Magey,” ni kan fek ko fare thin ni bay u 1 Korinth 7:29.
2. Uw rogon ni nge pasigan’dad ko re assembly ney?
2 Nap’an ni yira yog ko ulung rom e rofen ni yira tay e re special assembly ney, ma nge pasigan’um ni ngam un ngay. Boch e gallabthir e yad ma ayuweg e bitir rorad ni ngar adaged ni ngar uned ko assembly. Yad ma yoloy kenggin e thin riy ko calender u tabinaw rorad, maku yad ma yoloy nga but’ e tin nthingar ra feked ko assembly, ma yad thieg e ran nge mada’ ko ngiyal’ nra taw ngay. Nap’an e Fol Bible u Taabang u Tabinaw, ma rayog ni ngam sul nga daken e pi thin ni kan yoloy nga but’ u nap’an e pi assembly kafram. Ku rayog ni ngam fal’eg rogom ni fan ko re muulung ney, ni aram e ngam sul nga daken e thin ni bay u lan ko fare babyor ni Benefit From Theocratic Ministry School Education, ko page 13-16, ya nge yog ni ayuwegmed chon e tabinaw rom ni ngam “tedan’med nga rogon e motoyil ni gimed be tay.”—Luke 8:18.
3. Uw rogon ni nge fel’ rogodad ko pi n’en ni yira weliy u nap’an e assembly?
3 Mu Fol ko N’en Kam Fil: Ra tomuren reb e assembly ma ba ga’ ni ma gaar e girdi’, “Rib fel’ e muulung!” Rriyul’ e pi thin nem, ya muulung ni aray rogon e aram boch ban’en nrib manigil ni ke fal’eg Jehovah ni fan ngodad. (Prov. 10:22) Ere, faanra nge yib angin ngom, ma ba t’uf ni ngam fal’eg i lemnag ma dab mu pagtalin e n’en ni kam fil. (Luke 8:15) Ma nap’an ni yibe sul i yan nga tabinaw ma rayog ni ngan weliy murung’agen e tin ni kan fil u nap’an e muulung. Rayog ni ngan weliy e n’en ni be nameg be’ nge be’ nge ku boch ban’en nra ayuwegey u nap’an e machib. Yira rin’ ni aray rogon ma ra yib angin ngodad ni gad gubin ni ki mada’ nga tomren e assembly.—Jas. 1:25.
4. Mang fan nrib fel’ e re special assembly ney ngodad?
4 Ri gad ma felfelan’ u nap’an nra pi’ be’ ba tow’ath nrib fel’ ngodad. Ere, gathi ri gad be athapeg e pi n’en ni ke fal’eg Jehovah ni fan ngodad ko bin migid e special assembly? Rayog ni nge pagan’dad nra fel’ rogodad ko re tow’ath ney. Maku gad manang ni tow’ath nra pi’ Jehovah ni Chitamangidad nu tharmiy ngodad e ba m’ag nga rarogodad maku ra pi’ e athamgil nga lanin’dad me skulnagdad u rogon ni ngad rin’ed fare maruwel ni ke pi’ ngodad.—2 Tim. 4:2; Jas. 1:17.