Yibe “Pi’ Gadad ko Ngiyal’ ni Yima Pi’ Riy”

1. Mang angin fare special assembly ni ka fini m’ay ngom nge yugu boch e girdi’?

¹ Tomren ni gad ra un nga reb e special assembly ma ba ga’ ni ma lungudad, “Aram e n’en nib t’uf rodad!” I yog reb e circuit overseer nu tomren ni kan motoyil ko welthin ko fare assembly ni ka fini m’ay, ma bay boch e girdi’ ni kar adaged ni ngar yoornaged boch e tayim rorad ni fan ko machib. Reb e walag ni ma lekag e ulung e ke gaar, “Kan ayuwegdad ni ngad lemnaged ko uw e gad bay riy e ngiyal’ ney ma ngad lemnaged e tin ni gad ma turguy ni ngad rin’ed ko par rodad.” Ki yog reb e walag ni gaar, “Boch e publisher e ka rogned nre n’ey e ke pug e tafinay rorad ke yog ni ngar nanged nib t’uf ni ngar m’oneged e n’en th’abi ga’ fan, ni aram e machib.” Mang angin fare special assembly ngom?

2. Mang e yira weliy ko assembly ko bin migid e duw?

² Fare program ko bin migid e duw e ba m’ag ngodad. Kenggin e “Nge Mang Jehovah e Manab Rom,” ni bay ko Psalm 118:8, 9. Baaray boch e thin ni yira weliy murung’agen: “Rogon ni Ma Yororiydad Jehovah ko Ngiyal’ ni Ke Yib e Magawon Ngodad,” “Ngan Ayuweg e Girdi’ ni Nge Pagan’rad Ngak Jehovah,” “Ngad Folwokgad Rok Jehovah Ngad Ayuweged e Girdi’,” “Piin Fel’ Yangaren, Nge Pagan’med Ngak Jehovah!” nge “Gin ni Ke Tay Jehovah Nrayog ni Ngad Nabgad Ngay.”

3. Uw rogon nrayog ni nge yib angin ngodad ni faan gad ra un ko bin migid e special assembly?

³ Rogon ni Nge Yib Angin Ngom: Nap’an ni yira yog e rofen ni yira tay e re assembly ney riy, ma ngam fal’eg rogom ni ngam un ngay, mu kum pining e pi Bible study rom ni ngar uned ngom. Thingar dabda paged talin e pi n’en ni kad filed ma ngad tedan’dad ngay ya nge yog ni “yib wom’engidad.” (Luke 8:15) Ere ngam fal’eg e motoyil u nap’an e re muulung ney, ma ga yoloy nga but’ boch ban’en ni kan weliy riy nib ga’ fan, nge ku boch ban’en ni ga baadag ni ngam fol riy. Tomren fare assembly ma ngam weliyed e tabinaw rom e pi n’en ni kam filed u taabang mi gimed lemnag rogon ni ngam folgad riy.

4. Mang fan ni susun ni ngad adaged ni ngad uned ko bin baaary e special assembly ni bay yib?

⁴ Kan fal’eg rogon e re special assembly ney u fithik’ e t’ufeg nge athamgil, ni bod rogon e ggan ni kan fal’eg rogon nib fel’ lamen mab fel’ nga fithik’ i dowey. Ra flaabnagem Jehovah ni faan ga ra athamgil ni ngam un ko re muulung ney, maku ra yib angin ngom e “ggan ni yibe pi’ ko ngiyal’ ni yima pi’ riy” ni nge ayuweg e pi tamachib ni Kristiano.​—Matt. 24:45.