Kam Un ko Regular Pioneer Kafram, Fa?

1. Mang tow’ath ni ke un boor e girdi’ ngay machane mang e thingari rin’ boch e girdi’?

¹ U lan e pi duw ni ke yan ma bokum e girdi’ ni kar uned ko machib u polo’ e tayim rorad ma kar felfelan’gad ni ngar ‘machibnaged fare thin nib fel’ ngak girdi’.’ (Acts 5:42) Machane boch e girdi’ e kar talgad ko pioneer. Faanra kam un ko regular pioneer kafram ma kam yaliy rarogom e chiney ko rayog ni ngam un ko pioneer biyay, fa?

2. Mang fan ni piin ni kar uned ko pioneer kafram e susun ni ngar yaliyed rarogorad?

² Ma Thil Rarogon e Girdi’: Sana kam tal ko pioneer ni bochan boch e magawon ma chiney e dakuriy fare magawon rom. Bod ni sana kam tal ko pioneer ni bochan e de yog ni ngam thognag 90 e awa u gubin e pul, ma chiney e rayog ni ngam thognag 70 e awa? Gur, daki t’uf ni ngam un ko maruwel ni boor e tayim riy ma ke thil rarogon e tabinaw rom, fa? Bay reb e walag ni ppin ni ke tal ko pioneer ni bochan e ke m’ar ma ke yog ni nge un ko pioneer biyay u nap’an ni ke gaman 89 e duw rok. Ke yan reb e duw ma de t’uf ni nge par u aspital me ere ke lemnag ni rayog ni nge un ko pioneer biyay!

3. Uw rogon nrayog ko girdi’ ko tabinaw ni ngar maruwelgad u taabang ni nge un bagayad ko pioneer?

³ Sana dawor mu un ko pioneer bayay machane bay be’ u tabinaw rom ni ke tal ko pioneer ni bochan e thingari ayuweg reb e girdi’ u tabinaw ni bod rogon reb e pillibthir. (1 Tim. 5:4, 8) Faanra arrogon, ere gur, rayog ni ngam pi’ e ayuw ngak fa be’ ko fare tabinaw? Mang ni dab mu puruy’gad u taabang? (Prov. 15:22) Nap’an nra maruwel girdien e tabinaw u taabang ya nge yog ni nge un bagayad ko pioneer ma ra felfelan’ urngin e girdi’.

4. Uw rogon ni faanra dabiyog ni ngam un ko pioneer biyay?

⁴ Dabi mulan’um ni faanra dabiyog ni ngam un ko pioneer biyay ni bochan rarogom. Ma felfelan’ Jehovah ni faanra ga ba adag ni ngam un ko pioneer. (2 Kor. 8:12) Mu fanay e salap rom u nap’an ni mu un ko pioneer ko machib ni ga be tay e ngiyal’ ney. Mu yibilay ni rayog ni ngam sul ko pioneer ma ga tiyan’um u nap’an ni ke mab e kanawo’ ngom ma ga thilyeg boch ban’en ko par rom. (1 John 5:14) Sana Jehovah e ra n’igin ni nge “mab e kanawo’ nrayog ni mu ngongliy e maruwel riy ni baga’ ma ra yib fan” ma aram e rayog ni ngam falfalan’ ni ngam un ko regular pioneer bayay!—1 Kor. 16:9.