Ragag nge L’agruw i Fan ni Ngan Machib

Mang fan ni gad ma machib? Gur, bin th’abi ga’ i fan e ngad ayuweged e girdi’ nib yul’yul’ ni nge yog rorad ni nga ranod u kanawoen e yafas? (Matt. 7:14) Ireray e bin som’on i fan ni kan yoloy e er nga but’. Bin ngan ko fa 12 i fan e ga be lemnag ni th’abi ga’ fan ni ngad machibgad?

1. Ra ayuweg e yafas ko girdi’.​—John 17:3.

2. Ra ginang e girdi’ nib kireb.​—Ezek. 3:18, 19.

3. Ra lebguy reb e yiiy u Bible.​—Matt. 24:14.

4. Ra m’ug riy ni Got e ba mat’aw. Dariy be’ nrayog ni nge yog ni ke thang Jehovah e girdi’ nib kireb ma de pi’ e tayim ngorad nge yog ni ngar pied keru’rad ko kireb ni kar rin’ed.​—Acts 17:30, 31; 1 Tim. 2:3, 4. 

5. Rayog ni ngad rin’ed e maruwel ni ke mil fan ngodad ni ngad ayuweged e girdi’ ni ke pi’ Jesus rachaen ni fan ngorad.​—Rom. 1:14, 15.

6. Ra ayuwegdad ni nge dabi taydad Got ni gadad e kireb rodad.​—Acts 20:26, 27.

7. Gad ra rin’ e re n’ey ma gad be ayuweg e birodad e pogofan.​—Ezek. 3:19; Rom. 10:9, 10.

8. Ra m’ug riy e t’ufeg rodad ngak e en buguli yoror rodad.​—Matt. 22:39.

9. Ra m’ug riy ni gad ma fol rok Jehovah nge Fak.​—Matt. 28:19, 20.

10. Re n’ey e bang ko liyor rodad.​—Heb. 13:15.

11. Ra m’ug riy nib t’uf Got rodad.​—1 John 5:3.

12. Ra thothupnag fithingan Jehovah.​—Isa. 43:10-12; Matt. 6:9.

Riyul’ ni ka bay boch i fan ni gad ma machib. Bod ni, re maruwel ney e ra gelnag e michan’ rodad miki bing e kanawo’ ngodad nge yog ni ngad maruwelgad Got u taabang. (1 Kor. 3:9) Machane, bin th’abi ga’ i fan ni gad ma machib e aram e bin 12. Demtrug ko ra motoyil e girdi’ ko machib rodad fa danga’, ma ra thothupnag fithingan Got ma ra ayuweg Jehovah nge yog ni nge pi’ e fulweg ngak e en ni be gathibthibnag. (Prov. 27:11) Ere riyul’ ni boor i fan nib fel’ ni ngaud ‘machibnaged ngak e girdi’ fare Thin Nib Fel’.’​—Acts 5:42.