Deer

◼ Gur, thingari upunguy reb e walag ni ppin lolugen u gubin yang ni be fil e Bible ngak be’ riy nfaanra bay reb e walag ni pumoon?

Nap’an nra fil reb e walag ni ppin e Bible ngak be’, ma thingari upunguy lolugen ni faanra bay reb e walag ni pumoon. (1 Kor. 11:3-10) Fare babyor ni Um Pired Ni Gimed Ba T’uf Rok Got ko page 241, e be gaar: ‘Reb e walag nib ppin e rayog ni nge fil e Bible ngak be’ ni bay reb e walag ni pumoon. Bochan ni pi n’ey e ku bang ko maruwel u lan e ulung, ma aram fan ni nge upunguy reb e ppin lolugen ni bochan e nge m’ug ni be rin’ e maruwel ko pumoon u lan e ulung.’ Susun ireray e n’en nthingar ni rin’ nfaanra ngar filew e Bible ngak be’ u lan reb e tabinaw ara gubin yang.

Machane, faanra dawori tababnag reb e walag nib ppin i fil e Bible ngak be’, ma dariy fan ni nge upunguy lolugen u nap’an ni be un reb e walag ni pumoon ngak u nap’an ni ngar sulow ngar guyew be’, ara be guy rogon ni nge tabab i fil e Bible ni nge weliy murung’agen reb e babyor ni ka nog ko ulung ni ngan fanay u nap’an ni ngan fil e Bible ngak be’. Ere ba t’uf ni urngin e walag e ngar duguliyed nib fel’ rogon ko mingiyal’ e ba t’uf ni ngar upunguyed lolugrad.