PI N’EN NI MA RIN’ E PIIN KRISTIANO
Rogon ni Ngan Dag e Ngongol nib Fel’ u Mit e Tabinaw
Piin Kristiano e kar manged “tayengeg rok urngin” e girdi’. (1Ko 4:9) Ere nap’an ni gad ra yan ko machib, ma susun ndab da gingad ngay ni bay boch e girdi’ ni yad ma sap u langan e winda rorad nga wen ngar yaliyed gadad, ara yad bay u fon e mab rorad ni yad be motoyil ngodad. Fa reb e, sana fare tabinaw ni ka darod ngay e bay e security camera riy nge microphone nrayog ni nge ayuweg faen ni ir e tabinaw rok e ka darod ngay ni nge yaliydad, me rung’ag e pi n’en ni gad be yog, maku reb e rayog ni nge recordnag lungudad ara n’en ni gad be rin’ u tabinaw rok. Baaray boch e kanawo’ nrayog ni ngad daged e ngongol nib fel’ riy u nap’an ni ka darod ko tabinaw rok be’.—2Ko 6:3.
ROGON E NGONGOL ROM (Fil 1:27):
Mu tayfan faen ni ir e kam man nga tabinaw rok ni aram e dab mu sap u langan e winda rok nga naun. Ma nap’an ni ga ra sak’iy nga langan e mab ko naun rok, ma dab mu kay ara mu unum ban’en, maku dab mu call ara mu textnag be’
ROGON E THIN ROM (Efe 4:29):
Nap’an ni kam tawgow ko tabinaw ku be’, ma dab mu weliyew ban’en ni dabumew ni nge rung’ag faen ni ir e tabinaw rok e kam marow ngay. Ku bay boch e walag ni yad ma dugliy ni nge dabi non bagayow ngak bagayow, ya nge yag ni ngar fal’egew i lemnag e n’en ni ngar weliyew ngak faen nra yib ko fare tabinaw nga wen ni ngar mada’gad