Boch Ban’en Nrayog ni Nga Nog

Kingdom News No. 38

“Gamad be wereg bang e babyor ni bay boch e thin riy nrib ga’ fan ni fan ngodad. Baaray e ngirom.”

Mu tay fanam i yan riy: Dab mu weliy boor ban’en, ya nge yag nni mu’nag e gin ni ngan machib riy. Machane, sana bay boch e girdi’ ni yad baadag e machib, ere yad baadag ni ngam nonad nib n’uw boch nap’an. Faanra aram rogon, ma dab mog boor e thin, ma gay rogon ni ngam tababnag e fol Bible ngak be’.

Fare Wulyang ko Damit November 1

“Boor e girdi’ nib mich u wan’rad ni urngin e girdi’ nib fel’ e yad ray an nga tharmiy. Uw rogon u wan’um kaam lemnag ko mang e be weliy e Bible murung’agen ko mini’ e ra yan nga tharmiy ma mang fan?” Mmotoyil ko n’en nra yog. Mu dag fare Wulyang ko Damit ni November 1, ma ngam weliyew e bin som’on e deer ma gimew beeg fare thin nu Bible. Ma ga pi’ fare magazine, ma ngam weliyew ngiyal’ ni ngam sul.

Fare Wulyang ko Damit November 1

“Uw rogon u wan’um, mang boch e machib nde riyul’ ni ka nog u murung’agen Got? [Mmotoyil ko n’en nra yog.] Be yog e Bible, ni baadag Got ni girdi’ e ngar t’ufeged me pagan’rad ngak. [Mu beeg e Isaiah 41:13.] Re magazine ney e be weliy dalip e machib ni kan tunguy u murung’agen Got ni be mo’maw’ ni nge chugurnag boch e girdi’ ngak.”