Boch Ban’en Nrayog ni Nga Nog

Rogon ni Ngan Tabab i Fil e Bible Ngak Be’ ko Bin Som’on e Sabado ko Pul ni December

Mu pi’ ngak fare tract ni Ga Baadag Ni Ngam Nang e Tin Riyul’? ngemu’ mag dag ngak fapi deer ni bay u keru’ e gi babyor ney, me lungum: “Baaray boch e deer nrayog ni nge pi’ e Bible e fulweg riy. Ka am fith reb e pi deer ney?” Tomuren ni ke fulweg, mi gimew weliy e fulweg u reb e deer ni ke fith ni bay ko gi babyor ney, mu kum beegew reb e thin nu Bible riy. Mu yarmiy e rofen ni ngkum sul ngam weliyew e fulweg u yugu reb e deer ni bay ko gi babyor ney.

Fare Wulyang ko Damit November 2011

Mu dag fare ke babyor ngak me lungum, “Ra uw rogon u wan’um ni faan ga ra nang ni kan bannagem u murung’agen Got? [Mmotoyil ko n’en nra yog.] Mu tay fanam i yan u rogon ni yog Jesus ni yira nang e tin riyul’ ko tin de riyul’. [Mu beeg e John 17:17.] Ere, Bible e be weliy ngodad e tin riyul’ u murung’agen Got. Re ke babyor ney e be weliy lal e ban u murung’agen Got ni ke gagiyelnag e Bible.”

Fare Wulyang ko Damit November 2011

“Bochan ni ke gel e gafgow u fayleng, ma aram fan ni boor e girdi’ ni yad ma lemnag nder ma lemnag Got e girdi’. Uw rogon e re n’ey u wan’um? [Mmotoyil ko n’en nra yog.] Be dag e Bible nri ma lemnagdad Got ni gad gubin. [Mu beeg e 1 Peter 5:7.] Re ke babyor ney e ra ayuwegdad ni ngad nanged e tin riyul’ u murung’agen Got u Bible.”