Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni December

Mu pi’ fare tract ngak be’ ni kenggin e Ga Baadag ni Ngam Nang e Tin Nriyul’? mag dag e pi deer ni bay ko bin som’on e page. Mag gaar: “Baaray boch e deer ni be pi’ e Bible e fulweg riy. Kaam fith reb e pi deer ney?” Tomuren ni ke pi’ be’ e fulweg ma ngam weliyew e fulweg u reb e pi deer ni ke mel’eg, ma ngam beeg reb e thin nu Bible ni bay riy. Ngam yarmiyew ni ngam sul ngak ya ngam weliyew murung’agen reb e deer ni bay ko fare tract.

Fare Wulyang ko Damit November 2012

“Ku gu bad ya gamad manang ni boor e girdi’ ni ke magafan’rad nga feni gel e sasalap ni be rin’ girdien e siyobay nge am. Uw rogon u wan’um, ka bay ban’en nra yag ni ngan rin’ ni ngan pithig e re magawon ney? [Mmotoyil ko n’en nra yog.] Mu tay fanam i yan ko thin ni be dag ko mang e ra rin’ Jesus ngak e piin ni kan gafgownagrad. [Mu beeg e Psalm 72:12-14.] Re ke babyor ney e be dag ko uw rogon nra mus e ngongol ni sasaliyeb ndab ki n’uw nap’an.”

Fare Wulyang ko Damit November 2012

“Boor e girdi’ ni kar pirieged ni ke mo’maw’ e par rorad ni bochan e ngongol ni sasaliyeb. Kam guy ni ke yib ngodad e magawon ni aram rogon, fa? [Mmotoyil ko n’en nra yog.] Mu tay fanam i yan u reb e thin nu Bible ni be dag ko uw rogon nra mus e n’en ni ma k’aring e ngongol ni sasaliyeb. [Mu beeg e Isaiah 55:7.] Re ke babyor ney e be weliy murung’agen l’agruw ban’en ni be k’aring e ngongol ni sasaliyeb nge rogon ni nge chuweg Got e gali n’ey.”