Yira Tabab i Wereg e Invitation ko Puguran ko Rofen ni March 22

Gad ra tabab i pining e girdi’ ko Puguran ko Sabado ko March 22. Yibe pi’ e athamgil nga laniyan’ e pi walag ni ngar uned ko re n’ey. Rayog ni ngad pied e pi magazine rodad nib beech u nap’an ni gad be wereg e invitation ko puguran ko Sabado nge Madnom. Nap’an e bin som’on e Sabado ko pul ni April ma dab kun tabab i fil e Bible ko girdi’ ya ngan wereg e invitation ko Puguran. Machane, faanra kad mada’naged be’ ni baadag e machib, ma rayog ni ngad guyed rogon ni ngad tababgad i fil e Bible ngak. Rayog ni nge dugliy e en ni ir e service overseer ko ba t’uf ni ngan wereg e re invitation ney ko yungi n’en ni ma muulung e girdi’ ni yoor ngay fa danga’. Mu yoloy fithingan girdien e tabinaw rom, nge piin ni gimed nga maruwel, ara skul, nge piin ni kam mada’nagrad u nap’an e machib ni ga baadag ni ngam piningrad, ngemu’ ma ga yan mu pi’ bang e invitation ngorad u nap’an nra tabab e campaign. Gadad be athapeg ni boor e girdi’ nra un ngodad i madnomnag e re madnom ney ni be weliy murung’agen l’agruw e kanawo’ ni kan dag e t’ufeg riy ngodad.​—John 3:16; 15:13.