Reb e Invitation ni Yugu Ba Thil
1. Wuin e yira tabab i pining e girdi’ ko pi convention ni fan ko duw ni 2014?
1 Faanra ga be lemnag ni ngam pining e pi fager rom nge girdi’ rom nga tabinaw rom ko abich, ma dabisiy ni ga ra rin’ e re n’ey u fithik’ e pasig ni bochan e ba gel e maruwel ni kam tay riy maku boor e salpiy ni kam fanay ngay. Ku er rogon e pi district nge international convention rodad ko duw ni 2014 nib gel e maruwel ni kan tay riy ni fan e ngan fal’eg rogon boch ban’en nra ayuweg e girdi’ ko tirok Got ban’en. Dalip e wik u m’on ni ngan tay e re convention ney, ma gad ra tabab i pining e girdi’ ko re muulung ney. Mang e ra ayuwegdad ni ngad pasiggad i pining e girdi’ ko re muulung ney?
2. Mang e ra k’aringdad ni ngad pasiggad i pining e girdi’ ko convention rodad?
2 Faan gad ra fal’eg i lemnag urngin ban’en ni ke fal’eg Jehovah rogon ni fan ngodad ko re convention ney nge angin nra yib ngodad, ma ra k’aringdad ni ngad pasiggad i pining e girdi’ ngay. (Isa. 65:13, 14) Susun ndab da paged talin nib ga’ angin e re maruwel ney ni gad ma tay u gubin e duw. Bay boch e girdi’ ni gad ra pining nra un ko re muulung ney. Machane, demtrug urngin e girdi’ nra yib, ma rayog ni ngan pining e sorok ngak Jehovah me m’ug ni ir reb e Got nib gol ni faan gad ra athamgil ni ngad pininged urngin e girdi’ nrayog rodad.—Ps. 145:3, 7; Rev. 22:17.
3. Uw rogon ni gad ra wereg fapi invitation?
3 Susun ni nge fal’eg i lemnag e piin piilal ga’ngin yang nrayog ni nge wereg e ulung e pi invitation ney riy. Kub t’uf ni ngar dugliyed ko yira tay e pi invitation ney ko pi naun ndariy e girdi’ riy fa danga’ ara ngan wereg ko gin ni ma muulung e girdi’ ni yoor ngay. Nap’an e Sabado nge Madnom ma rayog ni ngan pi’ e magazine nge pi invitation ney u taabang. Ma nap’an e bin som’on e Sabado ko pul ko ngiyal’ ni susun e ngan tabab i fil e Bible ko girdi’, ma ngan fanay e re ngiyal’ i n’em ni ngan wereg e pi invitation ney. Tomuren ni kad mu’gad i wereg e invitation rodad, ma ri gad ra felfelan’ ni ngad nanged ni kad maruwelgad u fithik’ e pasig ni ngad pininged e girdi’ ko re muulung ney ni ke fal’eg Jehovah rogon ni fan ngodad!