Invitation ni Yira Wereg ni Fan ko Convention

Gadad ma felfelan’ ni gubin e duw ni bochan e pi n’en nrayog ngodad ni bay rogon ko tirok Got ban’en u nap’an e regional convention rodad. Ku rayog ni nge nang yugu boch e girdi’ feni rib manigil Jehovah, ere ngad athamgilgad ni ngad pininged urngin e girdi’ nrayog ni ngar bad ra uned ngodad ko re muulung ney. (Ps 34:8) Piin piilal e yad ra yarmiy rogon ni ngan wereg fapi invitation.

PI N’EN NI THINGAR NI LEMNAG

• Mingiyal’ e yira tay e convention romad?

• Mingiyal’ e yira tabab i wereg fare invitation?

• Mingiyal’ e ra tabab e muulung ni fan ko machib?

• Mang e gu be nameg ni nggu rin’ u nap’an ni ngan tabab i wereg fare invitation?

• Chon mini’ e gu be lemnag ni nggu piningrad ko fare convention?

MANG E GA RA YOG?

U tomuren ni ka mog fithingam, ma rayog ni nge lungum:

“Gamad be pining e girdi’ nga reb e muulung romad nrib ga’ fan. Ma re n’ey e ban’en ni gamad be rin’ u ga’ngin yang e fayleng. Bay e rofen, nge ngal’an, nge gin ni ngan tay e re muulung ney riy ko gi babyor ney. Gamad ra felfelan’ ni ga ra yib mu un ngomad.”

UW ROGON NI NGAN AYUWEG BE’ NGE ADAG E TIN RIYUL’?

Yugu aram rogon ni gad baadag ni ngad pininged urngin e girdi’ nrayog ni ngar bad ra uned ko fare convention, machane thingar da guyed rogon ni ngad sulod ko pi girdi’ ney ma gad ayuweged yad ni ngar adaged e tin riyul’.

Nap’an e Sabado nge Madnom u nap’an ni gad be wereg fare invitation maku rayog ni ngkud pied e magazine rodad.