Mu Fanay fare Tract nib Beech ni Murung’agen e Web Site Rodad

Kenggin e re tract ney e Uw e Rayog ni Ngad Pirieged e Fulweg Riy u Boch e Deer nib Ga’ Fan? Bay dalip e deer u barba’ e re tract ney. Ere, faanra rayog mag fith ngak e en ni kam mada’nag ko bin ngan riy e baadag ni nge nang e fulweg riy, ngemu’ ma gog ngak ni ngam yaliyew e BIBLE TEACHINGS > BIBLE QUESTIONS ANSWERED ni bay ko fare Web site ya nge yag nim nangew e fulweg riy. U rom e ku ra pirieg e fulweg riy ko fa gal deer ni kenggin e: Mang e Gil’ilungun Got? Nge mang e ra rin’ Gil’ilungun Got?

Mu tay in e pi tract ney rom ya nge yag ni ngaum pi’ ko girdi’ mag ayuwegrad ni ngar filed e n’en ni be yog e Bible u murung’agen e pi flaab nra yibnag Gil’ilungun Got boch nga m’on.