“Kug Wan Bayay Nga Tafen Ma De Moy!”

Bay bayay ni ka mog e re n’ey u nap’an ni kam man nga tafen be’ ni baadag e machib ma de moy? Yugu aram rogon ni boor yay ni kam sul nga tafen, machane dawori yag ni ngam rannag fare awochngin e tin riyul’ ni kam yung. (1 Kor. 3:6) Pi walag ni ke n’uw nap’an ni kar uned ko machib, e bayi n’en mar yoloyed e babyor ngar pied ngak facha’, fa reb e ra yoloyed bangi babyor ngar ted u tafen u nap’an ni ka ranod ngaram. Maku boch e walag e faanra kar mada’naged be’ ma yad manang nib mo’maw’ ni ngkur pirieged bayay, ma yad ma ning e namba ko telefon rok, fa reb e lungurad ngak, “Ga ma text fa danga’?” Faanra kad yoloyed e babyor ngak facha’, ara kad e-mailnaged, ara kad textnaged, ara kad yoloyed e babyor kad ted u tafen, ara kad callnaged, ma rayog ni ngad yoloyed nga but’ ni return visit rodad. Ku ra ba ga’ nde moy u tabinaw, maku rayog ni ngad ayuweged ni nge adag e machib.