Reb e Babyor ni Kab Beech Nrayog ni Ngan Fanay ni Ngan Gay Murung’agen Boch Ban’en Riy

Bokum milyon e walag u ga’ngin yang e fayleng e yad ma fanay fare Watch Tower Publications Index ni ngar gayed murung’agen boch ban’en riy. Machane, bochan ni boor ban’en ni bay ko re ke babyor ney, ma aram fan ni kemus nri in mit e thin ni kan pilyeg ngay. Machane chiney e bay ba ken e babyor ni kan fal’eg ni kenggin e Research Guide for Jehovah’s Witnesses ni kan pilyeg nga sogonap’an 170 mit e thin. Pi babyor ni bay ko re Research Guide ney e tabab ko duw ni 2000 i yib ngaray. Re Research Guide ney e dawor ni printnag ko tin baaray e thin ni bay fare Index riy, machane kan tay ko fare Watchtower Library nge Watchtower​—ONLINE LIBRARY. Re Research Guide ney e rayog ni nge ayuwegem ni ngam gay e fulweg u boch e deer ni bay rogon ko Bible, ara boch ban’en ni ma lemnag e girdi’, maku rayog ni nge ayuwegem u nap’an ni ga be fal’eg rogom ni fan ko muulung nge fol Bible ni tabinaw.