Boch Ban’en Nrayog ni Nga Nog

Fare Wulyang ko Damit December 1

“Gamad be mada’nag e girdi’ e daba’ ni nggu ayuweged yad ni ngar nanged e tin riyul’ u murung’agen reb e ban’en nib ga’ ni ma yog e girdi’ nde riyul’ u murung’agen e Bible. Yooren e girdi’ e yad ma tayfan e Bible, machane yad ma lemnag nib mo’maw’ ni ngan nang fan e thin riy. Me gur, uw rogon ni ga be lemnag? [Mmotoyil ko n’en nra yog.] Mu guy reb i fan nib t’uf ni ngad nanged fan e pi thin ni bay u lan e Bible. [Mu beeg e Roma 15:4.] Biney e magazine e be tamilangnag ni thin ni bay u lan e Bible e kan yoloy ya nge yag ni ngad nanged fan. Maku bay boch ban’en riy ni be weliy rogon me yag ni ngan nang fan e thin ko Bible.”

Fare Wulyang ko Damit December 1

“Gamad be non ngak e girdi’ e daba’ u rogon e lem rorad u murung’agen e Bible. Bay boch e girdi’ ni yad ma lemnag ni Bible e kemus ni ba ke babyor ni bay e thin riy nib fel’, ma yugu boch e girdi’ e yad ma lemnag ni thin ni bay u Bible e yib rok Got. Me gur, uw rogon ni ga be lemnag? [Mmotoyil ko n’en nra yog.] Ngad guyew ko mang e be yog e Bible. [Mu beeg e 2 Timothy 3:16, 17.] Kam guy rogon nrayog ni nge ayuwegdad e Bible u boor e kanawo’? Fare chart ni bay ko page 7 ko re babyor ney e rayog ni nge ayuwegem ni ngam nang boch e kanawo’ nrayog ni nge ayuwegem e Bible riy.”

Mang e Ri Be Fil e Bible?

“Boor e girdi’ ni ma yog ni Bible e Thin rok Got. Ka am lemnag ko uw rogon ni ke mang Bible e Thin rok Got, ni faanra girdi’ e yoloy? [Mmotoyil ko n’en nra yog. Mag beeg e 2 Peter 1:21 nge paragraph 5 ni bay ko guruy ni 2.] Re ke babyor ney e be weliy e fulweg ko pi deer ni baaray.” Mu dag ngak fapi deer ni bay ko page 6.