PI N’EN NI MA RIN’ E PIIN KRISTIANIO
Ngad Mon’oggad ko Machib—Ngan Ayuweg e Piin ni Yad Be Un ko Fol Bible ni Ngar Mon’oggad Ngar Ognaged Yad ngak Got Mar Uned ko Taufe
FAN NIB GA’ FAN: Faanra bay be’ ni be un ko fol Bible ma baadag ni nge fel’ u wan’ Jehovah, ma thingari ognag e yafos rok ngak me un ko taufe. (1Pe 3:21) Ma aram e ra ayuweg Jehovah e piin ni yad be athamgil ni ngar ngongolgad nib puluw ko n’en ni kar micheged ngak. (Ps 91:1, 2) Ra ognag reb e Kristiano ir ngak Jehovah, ma aram e ir e nge fol rok ma gathi yugu be’ ara yugu reb ulung ara reb e maruwel. Ere, ba t’uf rok e piin ni yad be un ko fol Bible ni ngar gayed rogon ni nge t’uf Got rorad me ga’ fan e tin nib m’agan’ ngay u wan’rad.—Ro 14:7, 8.
ROGON NI NGAN RIN’:
Nap’an ni gimew be fil e Bible u taabang mag tamilangnag ngak ko mang e be weliy e pi n’em ni gimew be fil u murung’agen Jehovah. Mu tamilangnag ngak feni ga’ fan ni nge beeg e Bible rok ni gubin e rran me meybil ngak Jehovah ni “gubin ngiyal’.”—1Th 5:17; Jas 4:8
Mu pi’ e athamgil nga laniyan’ faen ni ga be fil e Bible ngak ni nge nameg ni nge mon’og ko tirok Got ban’en ni aram e nge ognag ir ngak Jehovah me un ko taufe. Maku ba ga’ fan ni ngam ayuweg ni nge nameg ni nge rin’ boch ban’en nde mo’maw’ ni bod rogon ni nge pi’ e fulweg u nap’an e muulung ara nge machibnag e piin buguli yoror rok nge piin ni yad nga maruwel. Dab mu pagtalin ni Jehovah e der ma towasariy be’ ni nge pigpig ngak. Faanra nge ognag be’ ir ngak Jehovah ma aram ban’en nra be’ ma ir rok e nge dugliy.—De 30:19, 20
Mu pi’ e athamgil nga laniyan’ faen ni ga be fil e Bible ngak ni nge guy rogon ni nge thilyeg boch ban’en ko yafos rok ya nge fel’ u wan’ Jehovah miki yag ni nge un ko taufe. (Pr 27:11) Bochan ni faen ni ga be fil e Bible ngak e dabisiy ni bay boch ban’en ni ke mecham ngay ere thingar ni ulul ni ngan ayuweg ni nge n’ag e bin ni kakrom e pangin me yon’ e bin nib beech e pangin nga daken. (Ef 4:22-24) Mu dag fapi article ngak ni bay ko fare Wulyang ko Damit ni kenggin e “Bible e Rayog ni Nge Thilyeg e Ngongol Rok Be’”
Mu weliy ngak gelngin e felfelan’ ni kam tay ni bochan ni ga be pigpig ngak Jehovah.—Isa 48:17, 18