Dab Mu Pagtalin ni Ngam Yibilay e Pi Kristiano ni Yibe Gafgownagrad

Ke yiiynag e Bible nra gafgownagdad Satan ni bochan e be gay rogon ni nge taleg e machib ni gad be tay. (Joh 15:20; Re 12:17) Uw rogon nrayog ni ngad pied e ayuw ngak e pi Kristiano ni yibe gafgownagrad u yugu boch e nam? Rayog ni ngad pied e meybil ni fan ngorad. Be gaar e Bible ni: “Meybil rok be’ nib mat’aw e ba’ angin ni ba ga’.”​—Jas 5:16.

Ere mang e rayog ni ngad yibilayed? Rayog ni ngad yibilayed ngak Jehovah ni nge ayuweg e pi walag nem ni yibe gafgownagrad ni ngar pared nib mudugil ma dab ra rusgad. (Isa 41:10-13) Ku rayog ni ngad yibilayed girdien e am ni ngar paged gadad ni ngad machibgad u “fithik’ e mocha’ nge gapas”.​—1Ti 2:1, 2.

Nap’an ni un gafgownag Paul nge Peter ko bin som’on e chibog ma pi Kristiano e ngiyal’ nem e ur pied e meybil ni fan ngorow. (Ac 12:5; Ro 15:30, 31) Ere yugu aram rogon ndad nanged fithingan e piin ni yibe gafgownagrad e ngiyal’ ney, machane rayog ni nga dogned fithingan e ulung rorad, ara nam rorad.

Mu yoloy fithingan e pi binaw nga but’ ni bay e pi walag riy ni yibe gafgownag ni ga baadag ni ngam yibilayrad.