Rayog ni Ngam Pi’ e Athamgil Nga Laniyan’ Be’ nib Kristiano ni Ke Tal Ndakir Un ko Muulung nge Machib

Ra yan i taw ko rofen ni April 11 ko L’agruw Fen e Maruwel mab ga’ ni boor e pi Kristiano ni kar talgad ndakurur uned ko muulung nge machib ni kar uned ko Puguran. Pi girdi’ ney e immoy ba ngiyal’ ni ur uned ko sagreng ni nge yag e yafos ni manemus ngorad, machane bay fan ndakurur rin’ed e re n’ey. Kan weliy boch i fan ni ke tal e pi girdi’ ney ko muulung nge machib u lan fare brochure ni kenggin e Return to Jehovah ni thin ni Meriken. (Heb 12:1) Machane, kab t’uf e pi girdi’ ney u wan’ Jehovah, ni bochan e ke chuw’iyrad u daken e yam’ ni tay Fak. (Ac 20:28; 1Pe 1:18, 19) Ere uw rogon nrayog ni ngad ayuweged yad ni ngar sulod ko ulung?

Piin piilal ko ulung e yad ma athamgil ni ngar gayed mar ayuweged e pi girdi’ ney ni bod rogon reb e tachugol saf ni ma fal’eg i gay e pi saf rok ni kar maloggad. (Lu 15:4-7) Re n’ey e be dag rogon ni ma t’ufeg Jehovah e girdi’. (Jer 23:3, 4) Gathi kemus ni piin piilal e rayog ni ngar pied e athamgil nga laniyan’ e piin ni kar talgad ndakurur uned ko muulung nge machib, ya gadad gubin nrayog ni ngad rin’ed e re n’ey. Faan gad ra athamgil ni ngad golgad ko pi girdi’ ney ma gad dag ngorad ni gad ma lemnagrad, ma ra felfelan’ Jehovah ma ra boch nga m’on ra yib angin. (Pr 19:17; Ac 20:35) Ere, mu fal’eg i lemnag ko mini’ e rayog ni ngam pi’ e athamgil nga laniyan’ mag gurnigem ngam rin’ e re n’ey!

NGAN YALIY FARE VIDEO NI KENGGIN E ENCOURAGE THE INACTIVE ONES, NGEMU’ MIN WELIY E PI DEER NI BAARAY:

• Uw rogon ni athamgil Abbey ni nge ayuweg reb e Pi Mich nra mada’gow nde nang?

• Mang fan nthingar da nonad ngak e piin piilal ni faanra bay be’ ni gad be lemnag ni ngad ayuweged ni ke tal ndakir un ko muulung nge machib?

• Uw rogon ni ke fal’eg Abbey rogon ir u m’on ni nge yan i guy Laura ko yay ni migid?

• Uw rogon ni ke ulul Abbey ni nge gum’an’nag ir u nap’an ni be ayuweg Laura ni aram e be dag e t’ufeg ngak ma be gay rogon ni nge pi’ e athamgil nga laniyan’?

• Mang e rayog ni nga filed ko fare fanathin rok Jesus ni bay ko Luke 15:8-10?

• Mang angin ni ke yib ni bochan e kan guy rogon ni ngan ayuweg Laura?