Mu Par ni Gab Pasig Mag Tiyan’um ko Tirok Got Ban’en u Nap’an Nra Thil Boch Ban’en u Rarogom

Bochan ni gad bay ko tin tomuren e rran, ma aram fan nib puluw ni ngad lemnaged nra i thil boch ban’en u rarogon e par rodad. Pi n’ey e demtrug ko boch ban’en ni gad manang nra buch fa danga’, ara ban’en nib fel’ ara ba kireb, ma rayog ni nge magawonnag e liyor ni gad be tay ngak Jehovah nge rogon e tha’ u thildad. Ere nap’an nra buch boch ban’en ni aray rogon, ma mang e ra ayuwegdad ni ngad pared ni gad ba pasig ma gad be tiyan’ ko tirok Got ban’en? Ngan yaliy fare video ni kenngin e Staying Spiritually Grounded While Moving, ngemu’ min pi’ e fulweg ko pi deer ni baaray:

• Mang fonow e pi’ reb e walag ngak fare matam?

• Uw rogon nib l’ag fare fonow ni bay ko Matthew 7:25 ko n’en ni buch ko re tabinaw ney?

• Uw rogon ni tanomnag e re tabinaw ney boch ban’en u m’on ni nga ranod nga yugu reb e ulung, ma uw rogon ni yib angin e re n’ey ngorad?

• Mang e n’en ni ayuweg e re tabinaw ney ni ngar mechamgad ko pi n’en nib thil ko fare ulung ni ka fin ra uned ngay nge gin ni ngar machibgad riy?

Mang boch ban’en ni kari thilyeg rogon e par rog ndawori n’uw nap’an?

Mang fonow ni bay ko re video ney nrayog ni nggu fanay ko n’en ni be buch rog?