Ngad Mon’oggad ko Machib​—Rogon ni Ngan Fanay e Deer Nra Yib Angin ngak Be’

FAN NIB GA’ FAN: Faanra “lem rok be’ e bod e ran ni bay u lan ba luwed nib toar” me ere pi deer ni gad ma fith ngak e girdi’ e bod ba pakit ni yima l’ing e ran ngay. (Pr 20:5) Pi deer ni gad ma fith e rayog ni nge ayuweg e piin ni yad be motoyil ngodad ni ngar uned ngodad ko sabethin. Faan ga ra fith e bin nib puluw e deer, ma fulweg nra pi’ be’ ngom e ra ayuwegem ni ngam nang rogon laniyan’. Jesus e i fanay e pi deer nib fel’ rogon. Ere uw rogon nrayog ni ngad folwokgad rok?

ROGON NI NGAN RIN’:

• Ngan fith e deer ya ngan nang e n’en ni be lemnag be’. Ba ga’ ni ma fith Jesus e deer ngak pi gachalpen ya nge yag ni nge nang e n’en ni yad be lemnag. (Mt 16:13-16; be-E 238 ¶3-5) Ere mang boch e deer nrayog ni ngam fith ngak be’ ya nge yag nim nang e n’en ni be lemnag?

• Ngan fith e deer nra ayuweg be’ u rogon ni nge mel’eg e bin nib puluw e fulweg. Nap’an ni be gay Jesus rogon ni nge yal’uweg e lem rok Peter, me fith boch e deer ngak miki pi’ boch e fulweg nrayog ni nge ayuweg Peter ni nge mel’eg e bin nib puluw e fulweg. (Mt 17:24-26) Ere mang boch e deer nrayog ni ngam fith ngak be’ ya nge yag ni nge ayuweg u rogon ni nge mel’eg e bin nib puluw e fulweg?

• Ngan pining e magar ngak. U tomuren ni fulweg reb e tamachib ko motochiyel e n’en ni fith Jesus ngak “nib fel’ rogon,” me pining Jesus e magar ngak. (Mr 12:34) Uw rogon nrayog ni ngam pining e magar ngak be’ u tomuren ni ke pi’ e fulweg u reb e deer?

NGAN YALIY E GIN NI SOM’ON KO FARE VIDEO NI KENNGIN E DO THE WORK THAT JESUS DID​—TEACH, NGEMU’ MIN PI’ E FULWEG KO GAL DEER NI BAARAY:

• Yugu aram rogon nib puluw e pi n’en ni yibe weliy ngak fare moon, machane mang fan nde puluw kanawoen ni kan rin’ e re n’ey riy?

• Mang fan nde gaman ni kemus ni ngam tamilangnag ngak be’ e n’en ni ga be weliy ngak?

NGAN YALIY E GIN NI MIGID KO RE VIDEO NEY, NGEMU’ MIN PI’ E FULWEG KO GAL DEER NI BAARAY:

• Uw rogon ni ke fanay e re walag ney boch e deer nra yib angin ngak e en ni be non ngak?

• Mang boch ban’en ni rin’ e re walag ney nrayog ni ngad folwokgad riy?