PI N’EN NI MA RIN’ E PIIN KRISTIANO
Ngad Mon’oggad Ko Machib—Ngad Filed Ngak e Piin ni Gad Be Fil e Bible Ngorad Rogon ni Ngar Fal’eged Rogorad u M’on ko Fol Bible
FAN NIB GA’ FAN: Piin ni yad ma un ko fol Bible ni yad ma fal’eg rogorad u m’on riy, e ba mom ni ngar nanged fan e pi n’en ni yira weliy ngorad u nap’an e fol Bible. Ma pi n’ey e ra par u lanin’rad ndab ra paged talin. Ma nap’an nra yoor ban’en ni ke tamilang u wan’rad mab papey ni yad ra mon’og. Mus nga tomuren ni kar uned ko taufe, ma kub t’uf ni ngar fal’eged rogorad ni fan ko muulung nge machib, ya nge yag ni ngar pared ni gubin ngiyal’ ni kar ‘fal’eged rogorad.’ (Mt 25:13) Faan yad ra nang rogon ni ngar filed e babyor rorad maku yad ma fil yugu boch ban’en u Bible ni gubin ngiyal’, ma re n’ey e rayog ni nge yib angin ngorad u n’umngin nap’an e yafos rorad. Ere, susun aram ko som’on ma thingar da ayuweged e piin ni gad be fil e Bible ngorad ni ngar fal’eged rogorad u m’on ko fol Bible.
ROGON NI NGAN RIN’:
Mu dag e kanawo’ nib fel’ nrayog ni ngan folwok riy. (Ro 2:21) Mu lemnag rarogon e en ni gimew be fil e Bible nge tin nib t’uf rok u nap’an ni ga be fal’eg rogom ni fan ko fol Bible romew. (km 11/15 3) Mu dag e babyor rom ngak ni kam underlinenag ni nge guy
Mu pi’ e athamgil nga laniyan’ ni nge fal’eg rogon u m’on ko fol Bible ni gimew ma tay. Nap’an nra fel’ rogon e fol Bible ni gimew ma tay, mag tamilangnag ngak nib t’uf ni nge fal’eg rogon u m’on ko fol Bible romew ya re n’ey e bang ko re yaram ney. Mu kum weliy ngak angin nra yib riy ni faanra rin’ e re n’ey. Mu weliy boch e kanawo’ ngak u rogon nrayog ni nge tay e tayim ni nge fal’eg rogon u m’on riy. Bay boch e walag ni yad ma pag e en ni yad ma fil e Bible ngak ni nge fanay e ke rorad e babyor ni kar underlinenaged, ya nge yag ni guy facha’ angin nra yib ni faanra fal’eg rogon u m’on riy. Ma nap’an ni ke yag ni nge fal’eg rogon u m’on ko fol Bible romew, mag pining e magar ngak
Mu dag ngak rogon ni nge fal’eg rogon ir u m’on riy. Bay boch e walag nnap’an ni yad ra tababnag e fol Bible ngak be’, ma yad ma tay reb e tayim u nap’an e fol Bible ni ngar daged ngak rogon ni ngan fal’eg rogoy u m’on riy