PI N’EN NI MA RIN’ E PIIN KRISTIANO
Ra Ngad Yognaged Pi Gachalpen Jesus Mab T’uf ni Ngan Machibnagrad Min Fil e Tin Riyul’ Ngorad
I tay Jesus chilen ngak pi gachalpen ni nga ranod ngar pingeged e girdi’ ni ngar manged boch pi gachalpen. (Mt 28:19) Ra nge yag ni ngad rin’ed e re n’ey, mab t’uf ni ngad machibnaged e girdi’ ma gad fil e tin riyul’ ngorad. Yu ngiyal’ e susun nra bagadad ma nge fith ir ni nge gaar, ‘Uw rogon nrayog ni nggu mon’og i rin’ e re maruwel ney ni machib?’
NGAD MACHIBNAGED E GIRDI’
Thingar da gayed e piin ni yad “ba adag” ni ngar filed e tin riyul’ ko bin ni ngad sonnaged yad ni ngar bad ngodad. (Mt 10:11) Nap’an ni gad be machib, ma gur, gad be tedan’dad ni ngad machibnaged e “piin” ni gad be mada’nagrad? (Ac 17:17) Lydia e mang reb i gachalpen Jesus ni bochan e guy apostal Paul rogon ni nge machibnag.—Ac 16:13-15.
NGAN YALIY FARE VIDEO NI KENGGIN E CONTINUE PREACHING “WITHOUT LETUP”—INFORMALLY AND FROM HOUSE TO HOUSE, NGEMU’ MIN WELIY E FULWEG KO PI DEER NI BAARAY:
Uw rogon ni dag Samuel nib pasig ngay ni nge yung e awoch ko tin riyul’ u nap’an ni be rin’ e pi n’en ni ma rin’ ni gubin e rran?
Mang fan ni ngad athamgilgad ni ngad machibnaged e girdi’ u gubin mit kanawoen e machib?
Mini’ e rayog ni ngam weliy murung’agen Gil’ilungun Got ngak u nap’an ni ga be rin’ boch ban’en u reb e rran ngu reb?
NGAD FILED BAN’EN NGAK E GIRDI’
Ra ngad yognaged pi gachalpen Jesus, ma gathi kemus ni ngaud pied e babyor ko girdi’. Ya ba t’uf ni ngaud sulod ngad guyed yad ma gad fil e Bible ngorad ya nge yag ni ngar mon’oggad ko tirok Got ban’en. (1Ko 3:6-9) Machane uw rogon ni faanra kad athamgilgad kad filed e tin riyul’ ngak be’, machane der yib angin? (Mt 13:19-22) Thingar da ululgad i gay e piin nriyul’ ni yad baadag e machib ma gum’ircha’rad e bod e ‘but’ nib yong’ol.’—Mt 13:23; Ac 13:48.
NGAN YALIY FARE VIDEO NI KENGGIN E CONTINUE PREACHING “WITHOUT LETUP”—PUBLICLY AND MAKING DISCIPLES, NGEMU’ MIN WELIY E FULWEG KO PI DEER NI BAARAY:
Uw rogon ni ke ayuweg Solomon nge Mary ni nge tugul e awoch ko tin riyul’ u gum’irchaen Ezekiel nge Abigail?
Mang e thingar da nameged u nap’an ni gad be machibnag e girdi’ u gubin mit kanawoen e machib nib muun e machib u fithik’ e girdi’ ni yoor ngay?
Uw rogon nrayog ni ngad daged nre n’em ni ngad filed e tin riyul’ ngak e girdi’ e aram ban’en nth’abi ga’ fan u wan’dad?