Ngad Mon’oggad Ko Machib​—Ngad Ayuweged e “Piin” ni Yad Baadag e Tin Riyul’ ni Ngar Manged Pi Gachalpen Jesus

FAN NIB GA’ FAN: Ma ayuweg Jehovah awochngin e tin riyul’ ni nge tugul u lan gum’irchaen e piin ni bay rogon ni nge “yog e yafos ndariy n’umngin nap’an ngorad.” (Ac 13:48; 1Ko 3:7) Ere gad ma maruwel Jehovah u taabang ni aram e gad ma tedan’dad ngak e piin ni kad mada’naged u nap’an e machib ni yad baadag ni ngar folgad ko tin kar filed. (1Ko 9:26) Ba t’uf ni nge tamilang u wan’ e piin ni yad be fil e Bible ni faanra nge thap be’ ngak Got mab t’uf ni nge un ko taufe. (1Pe 3:21) Gad ma ayuwegrad ni ngar manged boch i gachalpen Jesus, ni aram e ngad filed ngorad ni ngar thilyeged boch ban’en u lan e yafos rorad, nge rogon ni ngar machibgad mar filed e tin riyul’ ngak e girdi’, mar ognaged e yafos rorad ngak Jehovah.​—Mt 28:19, 20.

ROGON NI NGAN RIN’:

• Ngad pugeduran ngak e piin ni gad ma fil e Bible ngorad ni fan ni yad be fil e Bible e bochan ni ngar ‘nanged’ murung’agen Jehovah mi yad rin’ e n’en nib m’agan’ ngay.​—Joh 17:3

• Ngad ayuweged yad ni ngar mon’oggad ko tirok Got ni aram e ngar gelgad ko magawon rorad ni bod rogon e tin nib kireb ni kar mechamgad ngay, nge piin ni gathi rib fel’ ni ngar chaggad ngorad

• Ngad pied e athamgil nga lanin’rad u m’on ni ngar uned ko taufe nge tomuren.​—Ac 14:22

NGAN YALIY FARE VIDEO NI KENGGIN E JEHOVAH GOD WILL HELP YOU, NGEMU’ MIN WELIY E FULWEG KO PI DEER NI BAARAY:

• Mang boch ban’en nrayog ni nge k’aring e marus ngak be’ me taleg ndabi ognag ir ngak Jehovah me un ko taufe?

• Uw rogon nrayog ni nge ayuweg e piin piilal e piin ni yad ma fil e Bible ni ngar mon’oggad ko tirok Got ban’en?

• Mang e be fil e Isaiah 41:10 ngodad u murung’agen Jehovah?

• Mang boch e fel’ngin nrayog ni nge ayuwegdad ni ngad pigpiggad ngak Jehovah nrogon nib m’agan’ ngay ni yugu aram rogon ndawor da flontgad?