Fare Fanathin ni Murung’agen Facha’ nu Samaria ni Ayuweg fare Moon ni Kan Pirdiiy

10:25-37

I weliy Jesus e re fanathin ney ni bochan e nge pi’ e fulweg ko fare deer ni fith be’ ngak ni gaar, “Mini’ e en ni ir e mmigid ngog?” (Lu 10:25-29) Manang Jesus nra munmun ma ra yib “urngin” mit e girdi’ nga lan e ulung ni Kristiano nib muun piyu Samaria nge piin ni gathi yad piyu Jew ngay. (Joh 12:32) Re fanathin ney e be fil ngak pi gachalpen Jesus nthingar guyed rogon ni ngar daged e t’ufeg ngak e girdi’ nib muun ngay e piin nib thil rarogorad ngorad.

MU FITHEM NI NGE LUNGUM:

• ‘Uw rogon ni gu ma lemnag e pi walag nib thil e yalen rorad ko birog e yalen?’

• ‘Yigoo piin ni boor ban’en ni taareb rogomad riy e gu ma chag ngorad, fa?’

• ‘Rayog ni gu ra guy rogon ni nggu nang boch e walag nib thilthil rarogorad ya nge yag ni nggu yoornag e piin ni ngar manged fager rog, fa?’ (2Ko 6:13)

Mini’ e rayog ni nggu pining ni nge . . .

• un ngog ko machib?

• yib nga tabinaw rog nggu abichgow?

• un ngomad chon e tabinaw rog ko bin migid e Fol Bible ni Tabinaw ni gamad ra tay?