Mini’ e Gu Ra Pining?

Gubin e duw ni gad ma athamgil ni ngad pininged e girdi’ ni ngar uned ngodad i madnomnag e Puguran. Yooren e pi girdi’ ney e dad nanged. Machane thingar kud pininged e girdi’ ni gad manang. Girdi’ ni yad manang e en ni ke pi’ bang e invitation ngorad e ba ga’ ni yad ra un ko puguran. (yb08-E 11 ¶3; 14 ¶1) Chon mini’ e rayog ni ngam piningrad ko puguran?

• Girdi’ rom

• Girdi’ ni gimed nga maruwel ara skul

• Piin buguli yoror rom

• Piin kam sul ngam guyrad, nge piin um fil e Bible ngorad kafram, nge piin ni ga be fil e Bible ngorad e chiney

Piin piilal e yad e ngar pininged boch e walag ndakurur uned ko muulung nge machib. Uw rogon ni faanra der par e en ni kam mada’gow ko binaw rom? Rayog ni ngam nang e tayim nge gin’en ni yira tay e puguran riy ko birok e binaw ni faan ga ra yan ko fare thin ni MURUNG’AGMAD ni bay ko jw.org home page u lang, ngemu’ mag mel’eg e “Puguran ko Yam’ ni Tay Jesus.” Nap’an ni ga be fal’eg rogom ko puguran e biney e duw, mag lemnag e piin nrayog ni ngam piningrad.