Kam Fal’eg Rogom, Fa?

Faanra yib e yoko’, ara durru’, ara yugu boch ban’en ni yima gafgow riy ko gin ni ga ma par riy, ma gur kam fal’eg rogom, fa? Pi n’ey ni ma buch ni kub muun ngay e yungi garger ni be yik’ ara ran ni be tharey daken e binaw e rayog ni nge buch nib tomgin maku boor ban’en nrayog ni nge kirebnag. Maku reb e, demtrug e gin’en nrayog ni nge ngongliy e terrorist e kireb riy, ara sum e cham riy nge wagey, ara m’ar ni be garer nib papey nib mom ni nga nim’ riy. Ma pi n’ey e dab da nanged e ngiyal’ nra buch. (Jas 4:14) Dab da lemnaged ndabiyog ni nge buch e pi n’ey ko gin ni gad be par riy.

Ra bagadad ma thingari fal’eg rogon ir u m’on ni nge buch ban’en nib tomgin ni yira gafgow riy. (Pr 22:3) Yugu aram rogon ni ma pi’ e ulung rok Jehovah e ayuw u nap’an ni ke buch reb e pi n’ey, machane re n’ey e der yip’ fan ni dariy ban’en nib t’uf ni ngad rin’ed ni ngad fal’eged rogodad.​—Ga 6:5.

NGAN YALIY FARE VIDEO NI KENGGIN E ARE YOU PREPARED FOR A NATURAL DISASTER?, NGEMU’ MIN PI’ E FULWEG KO PI DEER NI BAARAY:

• 

  Faanra ba chugur e tha’ u thildad Jehovah, ma uw rogon nra ayuwegdad e re n’ey u nap’an ni ke yib e yoko’, ara durru’, ara yugu boch ban’en ni yima gafgow riy ko gin ni gad ma par riy?

• 

  Mang nib ga’ fan ni . . .

  • • nge fel’ rogon e numon u thildad e piin piilal u m’on, ngu nap’an, ngu tomuren ni ke yib e yoko’, ara durru’, ara yugu boch ban’en ni yima gafgow riy ko gin ni gad ma par riy?

  • • ngad fal’eged rogon reb e emergency kit?​—g17.5-E 6

  • • ngan weliy e miti n’en nrayog ni nge buch ni yima gafgow riy nge n’en nthingar ni rin’ u nap’an nra buch e pi n’ey?

• 

  Mang dalip e kanawo’ nrayog ni ngad ayuweged yugu boch e girdi’ riy u nap’an ni ke buch boch ban’en rorad ni kar gafgowgad riy?