Mu Par ni Kam Fal’eg Rogom u Tungun e “Tin Tomren e Rran”

Chiney ni gad be athamgil u fithik’ e pi n’en gad be mada’nag u tungun e “tin tomren e rran,” e gad manang nra gel e mo’maw’ ko magawon nra ud mada’naged. (2Ti 3:1; Mt 24:8) Ba ga’ ni ma pi’ Jehovah boch e fonow ko ngiyal’ nib t’uf nrayog ni nge ayuweg e yafos ko pi tapigpig rok u nap’an nra buch boch ban’en nib tomgin ni yira gafgow riy. Ere faanra nge yag nda pared ndabi buch ban’en rodad e ngiyal’ nem, mab t’uf ni ngad fal’eged rogodad e chiney ni aram e ngad gelnaged gadad ko tirok Got ban’en, ma gad fal’eg rogon boch ban’en nib t’uf rodad.​—Lu 16:10.

• Mu gelnagem ko tirok Got ban’en: Mu tiyan’um ko tin ga ma rin’ ni fan ko tirok Got ban’en. Mu fil rogon ni ngam machib u yugu boch e kanawo’ nib thil. Faanra bay ba ngiyal’ ni kam dargad e pi walag u lan e ulung, ma dabi wagagey lanin’um. (Isa 30:15) Ya Jehovah nge Jesus e gubin ngiyal’ ni yow bay rom.​—od-E 176 ¶15-17

• Mu fal’eg rogon boch ban’en nib t’uf rom: Gathi kemus nib t’uf ni nge fal’eg girdien reb e tabinaw e kabang rorad ni fan ko ngiyal’ nra buch ban’en nib tomgin, ya kub t’uf ni ngar ted boch e ggan, nge ran, nge falay, nge ku boch ban’en nib t’uf nga bang. Faan yad ra rin’ e re n’ey, ma aram e nap’an nra taw ko tayim nib t’uf ni ngan par u bang nib n’uw nap’an, ma bay e pi n’em.​—Pr 22:3; g17.5-E 4, 6

NGAN YALIY FARE VIDEO NI ARE YOU PREPARED FOR A NATURAL DISASTER?, NGEMU’ MIN PI’ E FULWEG KO PI DEER NEY:

• 

  Uw rogon nrayog ni ngad gelnaged gadad ko tirok Got ban’en u m’on ni nge buch ban’en nib tomgin ni yira gafgow riy?

• 

  Mang fan nsusun e . . .

  • nge fel’ rogon e numon u thildad e piin piilal?

  • ngad fal’eged rogon reb e emergency kit?

  • ngan weliy boch ban’en nrayog ni nge buch ni yira gafgow riy nge n’en nthingar ni rin’ u nap’an nra buch e pi n’ey?

• 

  Mang dalip e kanawo’ nrayog ni ngad ayuweged yugu boch e girdi’ riy u nap’an ni ke buch boch ban’en rorad ni kar gafgowgad riy?

MU FITHEM NI NGE LUNGUM, ‘Mang boch ban’en ni kug fil ko fare m’ar ni COVID-19 ni ke garer u ga’ngin yang e fayleng u murung’agen rogon ni ngan fal’eg rogoy u m’on riy?’