Kam Fal’eg Rogom ni Fan ko Ngiyal’ Nra Elmerin e Wagey ni Be Tay e Girdi’, Fa?

Chiney ni gad be chugur nga tungun e re m’ag ney e bayi elmerin e wagey ni be tay e girdi’, nge ngongol ko terrorist, nge mahl. (Re 6:4) Uw rogon ni ngad fal’eged rogodad ni fan ko pi magawon ni gad ra mada’nag boch nga m’on?

• Mu fal’eg rogom ni fan ko tirok Got ban’en: Mu guy rogon ni ngam nang e pi kenggin e motochiyel u Bible nge boch ban’en ni be weliy e Bible nra ayuwegem ni ngari pagan’um ngak Jehovah nge ulung rok, miki ayuwegem ni ngam par u mathilin ngongolen e am. (Pr 12:5; jr 125-126 ¶23-24) Ireray e ngiyal’ ni ngad guyed rogon ni nge gel e tha’ u thildad e pi walag u lan e ulung.​—1Pe 4:7, 8

• Mu fal’eg rogon boch ban’en nra t’uf rom: Mu lemnag u m’on riy e n’en ga ra rin’ ni faanra dabiyog ni ngam chuw u tabinaw rom mag kunuy nga bang boch ban’en nib t’uf rom ndabi pag urngin. Kum lemnag u m’on riy e n’en ga ra rin’ ni faanra t’uf ni ngam chuw u tabinaw rom. Mu yaliy e n’en ni bay u lan fare kabang rom ni kam tay ni fan ko ngiyal’ nra buch ban’en nib tomgin mag uneg boch ban’en ngay ni bod e glove nge mask nge salpiy. Mu guy rogon ni ngam nang rogon ni ngam non ko piin piilal ma ngkum guy rogon ni ngar nanged rogon ni ngar nonad ngom.​—Isa 32:2; g17.5 3-7

Nap’an ni yibe wagey, mag ulul i rin’ e tin ga ma rin’ ni fan ko pigpig rom ngak Jehovah. (Fil 1:10) Yugu dab mu par ma ga be thilthilyeg e gin ga be par riy ni faanra de t’uf ni ngam rin’. (Mt 10:16) Mu pi’ e ggan nge boch ban’en ni bay rom ngak yugu boch e girdi’.​—Ro 12:13.

NGAN YALIY FARE VIDEO NI ARE YOU PREPARED FOR A DISASTER? NGEMU’ MIN PI’ E FULWEG KO PI DEER NEY:

• Uw rogon nrayog ni nge ayuwegdad Jehovah u nap’an ke buch ban’en ni yira gafgow riy?

• Mang boch ban’en nrayog ni ngad rin’ed ni ngad fal’eged rogodad?

• Uw rogon nrayog ni ngad ayuweged e piin kar gafgowgad ni bochan boch ban’en ni ke buch ni yira gafgow riy?