Ngad Mon’oggad ko Machib​—Ngan Machibnag Be’ ko Camera ara Intercom

FAN NIB GA’ FAN: Bochan ni ke yoor ban’en ni ke mon’og ko tin kan ngongliy ni bod e cellphone, nge computer, ma ke garer e kireb u gubin yang, ma aram fan ni ke yoor e girdi’ ni yad be tay e camera nge intercom ko naun rorad. Ere rayog ni ngad magagawongad ni ngad weliyed fare thin nib fel’ ngak be’ ni darud guyed machane be guydad. Pi n’en ni baaray e rayog ni nge puguran ngodad rogon ni ngad machibnaged be’ u fithik’ e pagan’ ndabiyog ni ngad guyed.

ROGON NI NGAN RIN’:

• Nge puluw rogon ni ngam lemnag e re n’ey. Boor e girdi’ ni bay e camera ara intercom ko naun rorad e ba m’agan’rad ngay ni ngar nonad ngodad

• Dab mu pagtalin ni bay boch e camera ni ma tabab ko record u m’on ni ngam chubeg e bell ko mab ko fare naun. Maku reb e, faen ni tafen fare naun e sana be yaliyem ma be motoyil ngom u m’on ni ngam taw ko mab rok

• Nap’an ni ga ra pong ni fulweg facha’ ni tafen fare naun, mag non ko fare intercom ara mu sap ko fare camera ngam non ni gowa ga be non ngak facha’. Mu siminmin mag non nrogon ni ga ma non. Mog e n’en ni ga be lemnag ni nga mog ngak ni faanra ke bing e mab ngom. Ma faanra bay e camera ma dab mu chugurnag owchem ngay. Faanra ga be non ma der fulweg facha’ lungum, ma dab mog boch ban’en ko fare camera nra rung’ag taaboch

• Tomuren ni kam mu’gow ko numon, ma dab mu pagtalin nsana ka be motoyil ara ka be guyem facha’