Mu Fil Ngak e Piin Ga Be Fil e Bible Ngorad Rogon ni Ngar Filed e Thin rok Got ni Yigoo Yad

Ra ngad ayuweged e piin gad be fil e Bible ngorad ni ngar nanged Jehovah mar manged boch e Kristiano ni kar ilalgad ko tirok Got ban’en ma gathi kemus ni ngad filed e tin riyul’ ngorad, ya ku bay boch ban’en nib t’uf ni ngar rin’ed. (Mt 5:3; Heb 5:12–6:2) Thingar ra nanged rogon ni ngar filed e thin rok Got ni yad rorad.

Ra ka fin mu tababgow be’ ko fol Bible, mag dag ngak rogon ni nge fal’eg rogon ni fan ko fol Bible romew, mag pi’ e athamgil nga laniyan’ ni nge rin’ e re n’ey. (mwb18.03 6) Mu pi’ e athamgil nga laniyan’ ni nge meybil u m’on ni nge fil e Bible rok ni yigoo ir. Mu ayuweg u rogon ni nge fanay boch ban’en ni bay ko computer, ara tablet, ara cellphone ni fan ko fol Bible. Mog ngak rogon ni nge guy boch ban’en nib beech ni bay ko jw.org nge JW Broadcasting^®. Mu fil ngak ni nga i beeg e Bible rok ni gubin e rran ma be fal’eg rogon ni fan ko muulung nge rogon ni nge gay e fulweg ko pi deer rok. Mu ayuweg ni nga i fal’eg i lemnag e n’en be fil.

NGAN YALIY FARE VIDEO NI HELP YOUR BIBLE STUDENTS TO FEED THEMSELVES SPIRITUALLY, NGEMU’ MIN PI’ E FULWEG KO PI DEER NEY:

• 

  Uw rogon ni ayuweg Neeta Jade ni nge nang ni fol Bible ni yima tay e gathi kemus ni ngan nang e fulweg ko deer?

• 

  Mang e ayuweg Jade ni nge mich u wan’ nib puluw e n’en ke yog Jehovah ndab ni un ko ngongol ndarngal?

• 

  Mang e tamilang u wan’ Jade u murung’agen rogon ni gad ma fal’eg i lemnag ban’en?