Mini’ e Pi Fager Rom u Online?

Be’ ni fager rom e be yip’ fan “be’ nib t’uf rom ara ga ma tayfan.” Bod nu tomuren ni li’ David Goliath nge yim’, ma aram e ngiyal’ ni fel’ e thin rorow Jonathan. (1Sa 18:1) Ra bagayow ma bay fel’ngin ni ir e m’agrow nga taabang. Ra ngari chugur e tha’ u thilmew be’ mab t’uf ni ngam nang e bin riyul’ i rarogon. Ba ga’ nib t’uf e tayim nge athamgil ya nge yag nim nang rarogon be’. Machane rib mom ni nge yag e “fager” ngodad ko yungi n’en ni bay ko Internet nrayog ni ngaun non riy ko girdi’. Girdi’ ni yima non ngorad u online e rayog ni ngar lemnaged e n’en nga rogned u m’on riy, maku rayog ni ngar gagiyegnaged rogon ni nge lemnagrad e girdi’, ere rib mom ni ngar mithaged e bin riyul’ i rarogorad. Ere ba fel’ ni ngam fal’eg i lemnag ko mini’ e piin nra m’agan’um ngay ni ngar manged fager rom u online. Ku dab mu rus ni ngam siyeg e friend request ni ke pi’ boch e girdi’ ngom ni gathi ri ga manangrad ni bochan e ga be magar nrim kirebnag lanin’rad. Bochan e re n’ey, ma aram fan ni bay boch e girdi’ ni kar dugliyed ndab u ranod ko yungi n’ey ni bay ko Internet nrayog ni ngaun non riy ko girdi’. Machane faanra kam dugliy ni ngaum man ko yungi n’ey, ma mang e susun ndab mu pagtalin?

NGAN YALIY FARE VIDEO NI BE SOCIAL-NETWORK SMART, NGEMU’ MIN PI’ E FULWEG KO PI DEER NEY:

• 

  Mang e susun ni ngam lemnag u m’on ni ngam tay boch e thin ara sasing nga online?

• 

  Mang fan nsusun e ngam fal’eg i mel’eg e piin ngar manged fager rom u online?

• 

  Mang fan nsusun e ngam dugliy urngin e tayim ni ga ma tay ni fan ko yungi n’en ni bay ko Internet nrayog ni ngaun non riy ko girdi’?​—Efe 5:15, 16