Fa Bin Th’abi Fel’ e Maruwel ko Machib ni Manang Girdien e Fayleng!
Ke pag 100 e duw ni ke wereg e Pi Mich Rok Jehovah fare thin nib fel’. (1 Kor. 9:23) Gad ma wereg fare thin nib fel’ ngak girdien bokum miriay e nam ma aram e ke mang e maruwel ni bin th’abi fel’ ni manang girdien e fayleng. Gad ma wereg u 230 e nam nge boch u fayleng. (Matt. 24:14) Machane mang fan ni ba t’uf e re maruwel ney? Ma uw rogon ni yibe rin’ u ga’ngin yang u fayleng?
Fare video ni Jehovah’s Witnesses—Organized to Share the Good News (Kan Yarmiy e Pi Mich Rok Jehovah ni Ngar Wereged fare Thin nib Fel’) e ra pi’ e fulweg ko pi’ deer nem ma ra tamilangnag urngin mit e maruwel ko machib ni yibe tay u fayleng i yan. Nap’an e ngiyal’ ni ngam yaliy, mu lemnag e pi deer ni baaray: (1) Uw rogon ni kan yarmiy min pow’iy e maruwel ko machib rodad? (2) Uw rogon e pi department ni Writing, Translation Services, Art, nge Audio/Video Services e ba m’ag ko maruwel ni ngan wereg fare thin nib fel’? (3) Mang fan ni yima printnag min wereg nga boor e babyor nga ga’ngin yang u fayleng? (John 17:3) (4) In e babyor ni yima ngongliy u ra reb e duw? (5) Mang angin e ke yib ni bochan e pi babyor rodad ni ma tamilangnag e thin nu Bible? (Heb. 4:12) (6) Mang e yibe rin’ ni fan ni ngan ayuweg e piin ni yad ba malmit mab biling ko tirok Got ban’en? (7) Uw rogon ni yibe pi’ puluwon e maruwel rodad? (8) Uw rogon ni ke fel’ rogodad ko maruwel rok e Hospital Information Service, Service Department, nge Convention Department? (9) Bochan gur reb e Mich Rok Jehovah, me ere uw rogon ni ke pi’ e re video ney e athamgil nga lanin’um ngam tay fan (a) e maruwel ni be tay e ulung rok Jehovah ni nge wereg fare thin nib fel’? (b) fa 100 nge boch e tabinaw ko Bethel u ga’ngin yang u fayleng? (c) sukul ni yima pi’ ngak e piin ni piilal nge missionary? (d) ni baga’ fan ni ngam tababnag ra reb e rran ni ngam bieg e thin nu Bible ma ga fl’eg rogom ko pi muulung u gubin e wik? (e) pi muulung ko Kristiano ni ga ma un ngay? (f) e Paradis u fayleng ni bayi yib? (Isa. 11:9) (g) e maruwel ko mokun woldug ni nguum un ngay?—John 4:35.
Mang boch e thin nib fel’ ni ka nog ngom ko ngiyal’ ni kam dag e re video ney ngak e girdi’ rom, pi fager, return visit, nge Bible study rom? Mang ni dab mu dag ngak yugu be’ ngam wereg fare thin nib fel’ nib papey?—Matt. 28:19, 20.