‘Yira Machibnag fare Thin nib Fel’!’ — LIBRARY U ONLINE ni fan ko Wulyang ko Damit

‘Yira Machibnag fare Thin nib Fel’!’

1. Uw rogon ni gad manang ni dariy ban’en nrayog ni nge taleg fare maruwel ni machib?

¹ Ri dariy ban’en nrayog ni nge taleg Jehovah ndabi rin’ e tin nib m’agan’ ngay. (Isa. 14:24) Dabiyog ni nge gel Gideon ni Judge nge fa 300 e salthaw rok ko pi salthaw nu Midian ni yad 135,000, machane yog Jehovah ngak ni gaar: “Mman u gelngim ni ba’ rom ngam chuweg piyu Israel u tan pa’ yu Midian. I gag e kug l’ugem.” (Judg. 6:14) Mang maruwel e be ayuweg Jehovah e ngiyal’ ney? I gaar Jesus: “Re Thin rok Got ney Nib Fel’ ni murung’agen e gagiyeg rok Got e bay ni machibnag u gubin yang u fayleng.” (Matt. 24:14) Dariy be’ nrayog ni nge taleg e re maruwel ney ni nge dabi lebug!

2. Mang fan nrayog ni nge mich u wan’dad nra ayuwegdad Jehovah ni be’ nge be’?

² Ra Bagadad Ma Bay Jehovah Ni Ma Ayuweg: Ba mich u wan’dad nra ayuwegdad Jehovah ni gad gubin, machane gur, rayog ni nge ayuwegdad ni be’ nge be’? Nap’an ni t’uf e ayuw rok apostal Paul me thamiy ni ke ayuweg Jehovah u daken Jesus ni Fak. (2 Tim. 4:17) Ere rayog ni nge pagan’dad nra tow’athnagdad Jehovah ko athamgil ni gad ma tay ni be’ nge be’ ya nge yog ni ngad lebguyed e tin nib m’agan’ ngay.—1 John 5:14.

3. Uw rogon ni ma ayuwegdad Jehovah?

³ Kaygi yoor e maruwel ma dakuriy gelngim ni ngam un ko machib? “Ma pi’ gelngin e pi’in ndakuriy gelngirad ma ka ra magargad.” (Isa. 40:29-31) Ga ma mada’nag e magawon ara togopuluw, fa? “Mu pi’ e gilab rom ngak Jehovah ma bayi n’ufem.” (Ps. 55:22) Bay yu ngiyal’ ni ga ma rus ni ngam un ko machib, fa? “Mman; ya bay gu ayuwegnem ngam welthin.” (Ex. 4:11, 12) Kam m’ar ma dabiyog ni ngam un ko machib nib fel’ rogon, fa? Ba ga’ fan u wan’ Jehovah e athamgil ni gad ma tay ni yugu aram rogon nde yoor ban’en ni gad ma rin’.—1 Kor. 3:6, 9.

4. Uw rogon nra yib angin ngodad ni faanra be pagan’dad ngak Jehovah?

⁴ Ke k’iyag Jehovah pa’ ni “dariy be’ nrayog ni nge taleg.” (Isa. 14:27) Rayog ni nge pagan’dad nra tow’athnagdad Jehovah ko machib ni gad ma tay, ma faan gad ra machibnaged fare thin nib fel’ ni dabda rusgad ma ra “pi’ Jehovah gelngidad.”—Acts 14:3, NW.