Tang 54 (132)

Mu Ayuweg Gum’erchaem

(Proverbs 4:⁠23)

1. Ngad ayuweged gum’erchadad,

Ma gad ra par nib fos.

Nguud folgad ko Thin Rok Got,

Nge tamilangan’dad

Ni ngongol rodad ni rib fel’

E sum u lanin’dad.

Ere nge fel’ e lem rodad

Ya gad e Kristiano.

2. Ban’en nra ayuwegdad riy

E ngan meybil ku Got.

Ngan meybil ngak gubin ngiyal’;

Ngan ning e ayuw rok.

Maku ngan fil e Thin Rok Got

Nge puluw lanin’dad,

Ku ngada chaggad ko girdi’

Ni bay ko tamilang.

3. Nguuda fl’eged i lemnag

E tin nriyul’ mab fel’,

Nge tin ni bay e t’ufeg riy

Nge tin ni yira n’uf.

Ma nguun lemnag e pi n’ey

Nge gapas lanin’dad

Ra par gum’erchadad nib fel’

Ma gad ra par nib fos.