Mu Kol Ayuw u Rogon ni Ga Ma Lem

1. Nguum ayuweg lanin’um;

Mu palog ko kireb.

Got e ma guy lanin’uy nge

Bin ryul’ i rarogoy.

Lanin’uy e ma bannagey

Me chafegey nga bang.

Ere, mu pag e knawo’ rok

Got ni nge pow’iyem.

2. Mu chuchugur ngak Jehovah

U daken e meybil.

Mu pning e mgar nge sorok ngak;

Mweliy lanin’um ngak.

Ba t’uf ni nguud folgad ko

Pi n’en ma fil ngodad.

Ere, mu fil rogon ni ngam

Rin’ e tin mm’agan’ ngay.

3. Um lemnag e tin nib fel’ ma

Gathi tin nib kireb.

Mu pag e Thin rok Jehovah

Nge b’echnag lanin’um.

Ma t’feg Got e p’in nib yul’yul’;

Nge pgan’dad ko re n’ey.

Ere, um pigpig ngak me par

Ni ir e fager rom.