Guruy ni 10

Boch Ban’en ni Yugu Yima Rin’ Ndabun Got

Susun u rogon u wan’um ban’en ni ke yog Got nib kireb? (1)

Mit ni ngan e par ko pumoon nge ppin e ba kireb? (2)

Susun uw rogon u wan’ e Kristiano e malulfith l’igin? 3) nge gosgos ni ngan fek salpiy? (3) nge mororo’? 3) nge cham? (4) nge pig? (5) nge chingaw? (6)

Ra diin me chuw be’ ko pi ngongol nib kireb ni yugu yima rin’? (7)

1. Pi tapigpig rok Got e nge t’ufeg e tin nib fel’. Machane thingar ni fil rogon ni ngan fanenikay e kireb. (Psalm 97:10) Fan e re n’em e ngan palog ko pi n’em ni ma fanenikay Got. Mang boch e pi ngongol nem?

2. Iling: Nga um parew be’ ndawor mu mabgolgow, ngongol ko darngal, nge par be’ nge reb e gamanman, nge l’agruw ni’ ni yow walag ara llabthir nge pi fak nge pumoon ni nge darngalnag e pumoon aray urngin mit e denen ni ubchiya nrib togopuluw ku Got. (Levitikus 18:6; Roma 1:26, 27; 1 Korinth 6:9, 10) Faanra ruw ni’ ni yow ma par u taabang e dawor ra mabolgow ma susun ngar wergow fa ngar fl’egew rogon e mabgol rorow nrogon ko motochiyel.—Hebrews 13:4.

3. Malulfith l’igin, Gosgos ni ngan fek salpiy, Moro’ro’: Jehovah der ma ban. (Titus 1:2) En ba adag ni nge micheg Got e thingari palog ko ban. (Proverbs 6:16-19; Kolose 3:9, 10) Urngin mit e gosgos ni yima fek e salpiy e ba m’ag ko chogow. Ere ri dabi un e piin Kristiano nga boch e pi gambling nem, ni bod ni yima chuw’iy e ticket ko ngan winnag ban’en ara sagreng ko os, nge bingo. (Efesus 5:3-5) Ma pi Kristiano dabra uned ko moro’ro’. Dabra uned i chuw’iy ban’en ni kan iring fa ra feked ban’en ndan pi mat’awrad.—Exodus 20:15; Efesus 4:28.

4. Damumuw ni ke pag rogon, nge Cham: Damumuw ndabkiyog i taleg e ra fek i yan ko cham. (Genesis 4:5-8) Be’ nib ta damumuw e dabiyog ni mang fager ku Got. (Psalm 11:5; Proverbs 22:24, 25) Ba kireb e filben fa ni fulweg taban e kireb ko kireb ni ke rin’ be’ ngodad.—Proverbs 24:29; Roma 12:17-21.

5. Pig nge Ngongol ko Sothuw: Boch e girdi’ e ma pining e sothuw ni be guy rogon ni nge golnag e m’ar. Ma boch e ma matokan ko pi toogor rorad ni nge yib e m’ar ngorad fa buch ban’en rorad ngar m’ad. Re gelngin nem ni bay ko urngin e pi ngongol ney ni yima rin’ e yib rok Satan. Ere pi Kristiano e thingari dab ra uned nga boch e pi n’ey. (Deuteronomy 18:9-13) Par nib chuchugur ku Jehovah aram e bin th’abi fel’ e ayuw ma dabi yib angin e tin ke rin’ be’ ngodad.—Proverbs 18:10.

6. Chingaw: De kireb ni yira unum buchuw e wain fa biya fa yugu boch ban’en ni bay e alkul riy ni yima garbod ngay. (Psalm 104:15; 1 Timothy 5:23) Machane garbod ni ke pag rogon nge chingaw e ba kireb u mit Got. (1 Korinth 5:11-13; 1 Timothy 3:8) Unum ni ra pag rogon e rayog ni kirebnag fithik’am ma ra gathey e tabinaw rom. Ku rayog ni k’aringem nge wawliyem nga boch e kireb.—Proverbs 23:20, 21, 29-35.

7. Piin yugu ma rin’ ban’en ni ke yog Got nib kireb e “dabi yan ko gin nsuwon Got.” (Galatia 5:19-21) Faanra rib ba t’uf Got rom ma ga ba adag ni ngam falfalan’nag, ma rayog rom ni mu pithigem ko pi ngongol nib kireb ney. (1 John 5:3) Ngan fil rogon ngan fanenikay e tin ke yog Got nib kireb. (Roma 12:9) Min chag ko piin ba’ rogon Got ko ngongol rorad. (Proverbs 13:20) Pi Kristiano ni kar ilalgad e ra un chag ngorad ma aram kenggin e ayuw nib mudugil. (James 5:14) Mu daken urngin e pi n’ey e ngan pagan’uy ko ayuw rok Got u fithik’ e meybil.—Filippi 4:6, 7, 13.

[Sasing ko page 20, 21]

Ma fanenikay Got e chingaw, moro’ro’, gosgos ni yima fek e salpiy nge damumuw nib pag rogon