Guruy ni 15

Ngan Ayuweg Boch e Girdi’ Ngar Rin’ed e Tin Ba M’agan’ Got Ngay

Mang fan ni ngam mog ko girdi’ e n’en ni kam fil? (1)

Mini’ e rayog nim pi’ boch e thin nib fel’ ngak? (2)

Mang e ngongol rom nra yib angin ngak be’? (2)

Wuin e fin rayog ni mu un ngak girdien e ulung ko machib? (3)

1. Ke chiney ma ke mit ngom boch ban’en nib fel’ ni kam fil u Bible. Susun re tamilangan’ ney e ra pow’iyem nge ilal felngin e Kristiano rom. (Efesus 4:22-24) Ka re tamilangan’ ney e ke mudugil nra yognag e yafas ndariy n’umngin nap’an ngom. (John 17:3) Ma yug demtrug be’, ni ku ra t’uf rok ni nge motoyil ko re thin nib fel’ ney maku ra ayuweg. Ere urngin e pi Kristiano nriyul’ e thingara weliyed ko girdi’. Ya ir reb e motochiyel ku Got.—Roma 10:10; 1 Korinth 9:16; 1 Timothy 4:16.

2. Rayog nim tabab ni ngam mog boch e tin ba fel’ ban’en ni kam fil ngak e piin ba chugur ngom. Mu weliy ngak e tabinaw rom, nge pi fager, nge piin gimew ma skul, nge piin gimew ma maruwel. Ra um rin’ u fithik’ e gol nge gum’an’. (2 Timothy 2:24, 25) Dab mu pag talin ni girdi’ e yad ma yaliy e ngongol rok be’ ma gathi n’en be yog faanem. Er fan ni pangim nib fel’ e ra suruy laniyan’rad ngar motoyilgad ko pi thin ni ga be yog ngorad.—Matthew 5:16; 1 Peter 3:1, 2, 16.

3. Munmun ma ra bung rogom ma ra yog ni mu un ko machib u taabang ko pi girdien e ulung ko Pi Mich Rok Jehovah. Ireray ban’en nib baga’ fan ya kam tabab ni ngam mon’og. (Matthew 24:14) Rib gel e falfalan’ riy ni faanra ke yog rom ni mu ayuweg be’ nge mang reb e tapigpig ku Jehovah nge yog e yafas ndariy n’umngin nap’an ngak!—1 Thessalonika 2:19, 20.